پیٹرول کی بڑھتی ہوئی قیمتوں سے حسن علی بھی پریشان، جنریٹر چلانا چھوڑدیا

ملک میں پیٹرول کی بڑھتی ہوئی قیمتوں سے قومی کرکٹ ٹیم کے فاسٹ بولر حسن علی بھی پریشان ہوگئے، جنریٹر چلانا چھوڑدیا۔

اسلام آباد یونائیٹڈ کا  ایچ بی ایل پاکستان سپر لیگ (پی ایس ایل) کے تیرہویں میچ میں کوئٹہ گلیڈی ایٹر سے مقابلہ ہوا، اس دوران حسن علی نے وکٹ لی لیکن اپنی پرانی  سیلی بریشن نہیں کی۔

میچ کے بعد پاکستان سپرلیگ کے اکاؤنٹ نے حسن علی کی کوئٹہ گلیڈی ایٹرز کیخلاف بولنگ کی ویڈیو شیئر کی اور کیپشن میں لکھا کہ جنریٹر چلاؤ یار۔

پیٹرول بہت مہنگا ہے 😛 https://t.co/4oppt9crNk

— Hassan Ali 🇵🇰 (@RealHa55an) February 25, 2023

فاسٹ بولر حسن علی نے پی ایس ایل کی پوسٹ ری ٹوئٹ کی، جس میں وہ بھی پاکستان میں مہنگائی سے پریشان نظر آئے، انہوں نے جنریٹر چلاؤ ٹوئٹ پر لکھا کہ پیٹرول بہت مہنگا ہے۔

یہ بھی پڑھیں:

لاہور قلندرز کے ہاتھوں پشاور زلمی کو 40 رنز سے شکست

خیال رہے کہ اسلام آباد یونائیٹڈ نے ایچ بی ایل پاکستان سپر لیگ (پی ایس ایل) کے تیرہویں میچ میں کوئٹہ گلیڈی ایٹرز کو یکطرفہ مقابلے کے بعد 63 رنز سے شکست دیدی تھی۔

اس میچ میں حسن علی نے 3 وکٹ اپنے نام کی تھی۔