گوگل نیوز پر ہمیں فالو کریںسامارو: پاکستان تحریکِ انصاف کے مرکزی رہنما و سندھ اسمبلی میں پارلیمانی لیڈر حلیم عادل شیخ نے کہا ہے کہ سندھ حکومت کی کرپشن کی وجہ سے صوبے میں نالے اُلٹے بہہ رہے ہیں۔
سماجی رابطے کی ویب سائٹ ٹوئٹر پر اپنے پیغام میں حلیم عادل شیخ نے کہا کہ سندھ حکومت کو اربوں کا بجٹ ملا لیکن محکمۂ اریگیشن میں کرپشن کی گئی۔ سیم نالے اُلٹے بہہ رہے ہیں جبکہ سامارو کے لوگ امداد کا مطالبہ نہیں کر رہے۔
پیغام میں پی ٹی آئی رہنما حلیم عادل شیخ نے کہا کہ امداد کی بجائے یہاں کے لوگ صرف پانی نکلوانے کا مطالبہ کر رہے ہیں جو پورا نہیں کیاجاسکا۔ 12 سالہ سندھ حکومت کے دور میں نکاسئ آب کے محکمے میں ریکارڈ کرپشن ہوئی جس سے سندھ ڈوب گیا۔
سامارو: اربوں کا بجیٹ ملا ہے ایریگیشن میں کرپشن کی وجہ سیم نالے الٹے بہہ رہے ہیں، یہاں کے لوگ امداد نہیں مانگ رہے صرف پانی نکلوانے کا مطالبہ کر رہے ہیں، 12 سالوں میں ایریگیشن میں ریکارڈ کرپشن کی وجہ سے علاقے ڈوبے ہیں۔ حلیم عادل شیخ pic.twitter.com/kvFObB2ESt
— PTI SINDH UPDATES (@ptisindhupdates) September 27, 2020
تحریکِ انصاف کے سینئر رہنما حلیم عادل شیخ نے گزشتہ روز سندھ کے علاقے گوٹھ دینو چانگ کا دورہ کیا اور سیلاب سے متاثرہ علاقوں کا جائزہ لیا۔
پی ٹی آئی مرکزی رہنما و پارلیمانی لیڈر سندھ حلیم عادل شیخ کا گوٹھ دینو چانگ کا دورا
سیلاب متاثرہ علاقوں کا دورا pic.twitter.com/X7Le1sF4jW— PTI SINDH UPDATES (@ptisindhupdates) September 26, 2020
یاد رہے کہ اِس سے قبل حلیم عادل شیخ نے وزیر اعلیٰ سندھ مراد علی شاہ کی پریس کانفرنس پر رد عمل دیتے ہوئے کہا سندھ میں برساتوں سے زیادہ تباہی کا ذمہ دار سندھ کا محکمہ ایریگیشن ہے، وزیر اعلیٰ سندھ کو معلوم ہونا چاہیے کہ 12 سالوں میں برائے نام کینالوں کی مرمت اور بھل صفائی کی گئی۔
انہوں نے 3 روز قبل کہا کہ ایریگیشن میں کرپشن اور نالوں کی صفائی نہ ہونے کی وجہ سے آدھا صوبہ سدھ ڈوبا ہوا ہے۔وزیر اعلیٰ مراد علی شاہ نے آج وفاق کی بے حسی کی بات کی جبکہ 18وین ترمیم اور این ایف سی ایوارڈ کے بعد تمام تر ذمہ داری سندھ حکومت کی ہے۔
مزید پڑھیں: وزیر اعلیٰ اپنی ناکامی کا ملبہ وفاق پر ڈال رہے ہیں، حلیم عادل شیخ
