گوگل نیوز پر ہمیں فالو کریںنئے گریڈنگ فارمولے کے تحت انٹر بورڈز کوآرڈی نیشن کمیٹی نے گریس مارکس تین سے بڑھا کر پانچ کر دیے ہیں، جس سے پاسنگ مارکس 33 سے بڑھا کر 40 کر دیے گئے ہیں۔
انٹر بورڈز کوآرڈی نیشن کمیٹی کے مطابق اب اساتذہ پانچ گریس مارکس فراہم کر سکتے ہیں تاکہ امیدوار کو 40 نمبر حاصل کرائے جا سکیں جبکہ پہلے تین گریس مارکس دیے جاتے تھے تاکہ امیدوار پاس ہو سکے۔
یہ فیصلہ 2025 کے امتحانات سے ملک بھر میں میٹرک اور انٹرمیڈیٹ کے نتائج پر لاگو ہوگا۔
گریس مارکس زیادہ سے زیادہ دو مضامین میں دیے جا سکتے ہیں تاہم اگر امیدوار کسی تیسرے مضمون میں فیل ہو جائے تو استاد کو اضافی مارکس دینے کی اجازت نہیں ہوگی۔
لاہور اور ملتان میں بھی آج سے اسکولز کھل گئے، پابندیاں برقرار
یہ منظوری انٹر بورڈز کوآرڈی نیشن کمیٹی کے دو روزہ اجلاس میں دی گئی، جس میں تمام چاروں صوبوں کے تعلیمی بورڈز کے چیئرمین انٹر بورڈز کوآرڈی نیشن کمیٹی کے ایگزیکٹو ڈائریکٹر غلام علی ملاح اور چاروں صوبوں کے تعلیمی افسران نے شرکت کی۔
اجلاس میں دیگر کئی سفارشات بھی منظور کی گئیں، جن میں یتیم طلباء کے لیے تعلیمی فیس میں رعایت اور امتحان کے فارم میں “یتیم حیثیت” کا خانہ شامل کرنے کی تجویز بھی شامل تھی۔
اجلاس میں میڈیکل اور ڈینٹل کالجز کے داخلہ شیڈول کو ہم آہنگ کرنے پر بھی تبادلہ خیال کیا گیا۔ تمام صوبوں نے مارچ/اپریل میں امتحانات لینے اور جون/جولائی میں نتائج کا اعلان کرنے پر اتفاق کیا۔
