وزیراعظم عمران خان کا پیر سے مہنگائی کیخلاف پالیسی پر عملدرآمد کا اعلان

اسلام آباد:وزیراعظم عمران خان نے اعلان کیا ہے کہ پیر سے حکومت اشیائے خورونوش کی قیمتیں نیچے لانے کیلئے تمام ریاستی وسائل بروئے کار لائے گی۔

سوشل میڈیا پر جاری اپنے بیان میں وزیراعظم عمران خان نے کہا کہ ہم پہلے ہی یہ جاننے کی کوشش کر رہے ہیں کہ ملک میں ہونے والی مہنگائی کے عوامل کا جائزہ لینے کی کوشش کر رہے ہیں کہ آیا ملک میں اشیائے خورونوش کی واقعی میں قلت ہے یا پھر یہ مافیاز کی جانب سے ذخیرہ اندوزی اور اسمگلنگ کی وجہ سے ہے۔

Starting Monday in coming week, our govt will use all the resources at the disposal of the state to bring down food prices. We are already examining causes of the price hikes: whether there is a genuine supply shortage or simply hoarding by mafias; smuggling, if any;

— Imran Khan (@ImranKhanPTI) October 10, 2020

وزیر اعظم عمران خان نے کہاکہ ہم اس بات کا بھی جائزہ لے رہے ہیں کہ آیا ملک میں مہنگائی بین الاقوامی منڈی میں دالوں اور پام آئل کی قیمت میں اضافے کی وجہ سے تو نہیں ہے۔

انہوں نے کہا کہ آئندہ ہفتے سے ہم غذائی اجناس کی قیمتیں کم کرنے کے حوالے سے تمام ریاستی اختیارات بروئے کار لاتے ہوئے اپنی پالیسی نافذ کریں گے۔

مزید پڑھیں: وزیرِ اعظم کے کامیاب جوان پروگرام میں ملک بھر سے 4 لاکھ 70 ہزار درخواستیں موصول