آرمی ایکٹ معطل، کیا حکومت کو سپریم کورٹ میں نظرثانی اپیل دائر کرنی چاہئے؟

آج سے 7روز قبل سپریم کورٹ نے عام شہریوں کے ٹرائلز کے متعلق آرمی ایکٹ کی شق ٹو 1 ڈی کو کالعدم قرار دیتے ہوئے گرفتار ملزمان کے مقدمات فوجی سے فوجداری عدالتوں میں منتقل کرنے کا حکم دیا۔ مقدمے کی سماعت جسٹس اعجاز الاحسن کی سربراہی میں 5 رکنی ججز بینچ نے کی۔

یہ بھی پڑھیں:

سائفر کیس، عمران خان کو کیا سزا ہوسکتی ہے؟

چار ایک کی اکثریت سے سنائے گئے فیصلے میں سپریم کورٹ کا کہنا ہے کہ اٹارنی جنرل نے 9 اور 10 مئی کے واقعات میں ملوث 103 گرفتار ملزمان کی فہرست مہیا کی، اگر اور بھی شہری ملوث ہوئے تو ان کے خلاف بھی مقدمہ فوجی عدالتیں نہیں چلا سکتیں۔

آرمی ایکٹ کیا ہے؟

پاکستان آرمی ایکٹ 1952 میں ان جرائم کا ذکر موجود ہے جن کا ٹرائل اس ایکٹ کے تحت اسی صورت کیا جاسکتا ہے جب ان جرائم کا ارتکاب فوجی اہلکار یا افسران کرتے پکڑے جائیں۔ تاہم اسی ایکٹ کی کچھ شقوں میں یہ قانون بعض صورتوں میں عام شہریوں پر بھی لاگو کیا جاسکتا ہے۔

آج سے 8سال قبل پاکستان کی قومی اسمبلی اور سینیٹ نے21 ویں آئینی ترمیم اور آرمی ایکٹ 1952 میں ترمیم کی منظوری دی جن کے تحت کچھ جرائم میں ملوث افراد کو آرمی ایکٹ کے تحت سزا دی جا سکتی ہے۔

مذکورہ جرائم میں پاکستان کے خلاف جنگ، فوج اور قانون نافذ کرنے والے اداروں پر حملہ،  اغوا برائے تاوان کے مجرم، غیر قانونی سرگرمیوں میں ملوث افراد کو مالی معاونت دینا، مذہب اور فرقے کے نام پر ہتھیار اٹھانا شامل ہیں۔

ان مجرموں میں کسی دہشت گرد تنظیم کے اراکین، سول اور فوجی تنصیبات پر حملہ کرنے والے، دھماکہ خیز مواد رکھنے یا کہیں لانے لے جانے میں ملوث افراد، دہشت اور عدم تحفظ کا ماحول پیدا کرنے والے اور بیرونِ ملک سے پاکستان میں دہشت گردی کرنے والے عناصر بھی شامل ہیں۔ 

سیکشن ٹو 1ڈی

مذکورہ آرمی ایکٹ کے سیکشن ٹو 1 ڈی میں 2 ایسی شقیں ہیں جن کے تحت عام شہریوں کا ٹرائل ہوسکتا ہے جن میں پہلی جاسوسی یا عسکری راز فراہم کرنا اور دوسری فوجیوں کو حکم نہ ماننے پر اکسانا یا پھر فوج کے ادارے کے خلاف اکسانے کے جرائم شامل ہیں۔

دریں اثناء اگر کوئی شہری دشمن کو ملک کا کوئی قومی راز فراہم کرتا ہے اور اس کے ثبوت موجود ہیں تو ایف آئی آر کے اندراج کے بعد اسے گرفتار اور فوج میں اس کا ٹرائل ہوسکتا ہے۔

دوسری شق کے تحت اگر کوئی شخص کسی کو فوجی کمان کے خلاف بغاوت، فساد برپا کرنے کے لیے اشتعال دلانے، اُکسانے یا ترغیب یا تحریک دینے کا سبب بنے تو اس صورت میں بھی فوج اس کے خلاف آرمی ایکٹ کی شق ٹو ون ڈی کے تحت ٹرائل کرسکتی ہے۔

ماہرین کا کہنا ہے کہ چاہے کسی تقریر کے ذریعے ہی اکسایا گیا ہو، اگر اس سے فوج کے خلاف اکسانے کا تاثر بھی ملے تو اس صورت میں بھی اس شخص کے خلاف مقدمہ چلایا جاسکتا ہے۔اگر کوئی شخص تقریر میں کہتا ہے کہ فوج یا اپنی کمان کا حکم نہ مانیں تو اس پر بھی یہ قانون نافذ ہوگا۔

عمران خان پر قانون کا اطلاق