گوگل نیوز پر ہمیں فالو کریںوفاقی وزیرِ بحری امور علی زیدی نے کہا ہے کہ سندھ حکومت کراچی پورٹ ٹرسٹ کی زمین پر قبضہ کرنے کی کوشش کر رہی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی حیدر زیدی نے کہا کہ شجرکاری کے نام پر سندھ حکومت کے پی ٹی کی زمینوں پر قابض ہونے کی کوشش میں مصروف ہے۔
پیغام میں وزیرِ بحری امور علی زیدی نے کہا کہ معمول کے مطابق سندھ حکومت اپنے اختیارات کا ناجائز فائدہ اٹھاتے ہوئے قبضہ مافیا بن گئی ہے جو سپریم کورٹ کے احکامات کی خلاف ورزی کررہی ہے۔
وفاقی وزیر علی زیدی نے کہا کہ کے پی ٹی نے حکومتِ سندھ کو ایک قانونی نوٹس بھیجا ہے اور توہینِ عدالت کے حوالے سے کارروائی شروع کردی گئی ہے۔ سندھ حکومت قبضہ مافیا بنی ہوئی ہے۔
Under the garb of plantation, Gov of Sindh trying to encroach on KPT land, despite an order by Hon Supreme Court.
As usual GoS abusing its authority & acting as land grabbers.
KPT has sent a legal notice to GoS & initiated contempt proceedings.— Ali Haider Zaidi (@AliHZaidiPTI) February 14, 2021
یاد رہے کہ اِس سے قبل وفاقی وزیرِ بحری امور علی زیدی اور پاک سرزمین پارٹی کے پی ٹی میں کراچی کیلئے ملازمتوں کے معاملے پر آمنے سامنے آ گئے، پی ایس پی کی ویڈیو پر علی زیدی نے دستاویزات کے ساتھ وضاحت کی۔
ٹوئٹر پر گزشتہ برس 7 نومبر کو اپنے پیغام میں وزیرِ بحری امور علی زیدی نے کہا کہ کراچی کے خود ساختہ مسیحا کی جانب سے سماجی میڈیا پر پھیلائے جانے والے مسخ شدہ حقائق کے برعکس کراچی پورٹ ٹرسٹ (کے پی ٹی) میں شہری سندھ (کراچی) کا کوٹہ سب سے زیادہ ہے۔
مزید پڑھیں: کےپی ٹی میں کراچی کا کوٹہ 74.15 فیصد ہے،علی زیدی کی وضاحت
