وفاقی وزیر مذہبی امور طلحہ محمود نے سرکاری اسکیم کے حاجیوں کو مزید رقم واپس کرنے کی خوش خبری سنا دی۔

پریس کانفرنس کرتے ہوئے وفاقی وزیر طلحہ محمود نے کہا کہ پہلے سرکاری اسکیم کے تحت حج کرنے والوں کو 55 ہزار روپے واپس کئے، اب مزید 97 ہزار روپے حاجیوں کو واپس کروں گا۔

یہ بھی پڑھیں:

طلحہ محمود نے اعلان کیا کہ رقوم کی ادائی پیر کے روز سے شروع کر دی جائے گی، کوشش ہے کہ حاجیوں کا جو پیسہ بچ گیا اس کا ایک ایک روپیہ واپس کروں۔

انہوں نے کہا کہ 2024ء کے لیے ایک لاکھ 79 ہزار 210 کا حج کوٹہ ساتھ لے کر آئے ہیں، محمود پوری کوشش کی ہے کہ حج انتظامات میں کوئی کمی نہ رہے، انہوں نے تجویز دی کہ بحری جہاز، زمینی راستہ، سستی رہائش گاہیں لے کرحج سستا ہوسکتا ہے۔

طلحہ محمود نے کہا کہ چاہتے ہیں اگلےسال حج کو سستا کریں، حجاج کرام کو 12 ارب روپے مزید واپس کر رہے ہیں، حجاج کرام کو 4 ارب روپے مناسک حج سے پہلے واپس کیے، پیر والے دن حاجیوں کے اکاؤنٹ میں پیسے ٹرانسفر ہونا شروع ہو جائیں گے۔