آج کی شب دعا ہے کہ خدا ہمیں کورونا کا مقابلہ کرنے کی ہمت دے، بلاول بھٹو

کراچی:پاکستان پیپلزپارٹی کے چیئرمین بلاول بھٹو زرداری نے شب برات کے حوالے سے ٹویٹر پر ویڈیو پیغام جاری کیا ہے۔

ویڈیو پیغام میں بلاول بھٹو زرداری نے کہا کہ آج شب برات ایک بڑی رات ہے، میری اپیل ہے کہ گھروں میں عبادت کریں۔

Pray at home please! #Shab_e_baraat #PakistanVsCorona pic.twitter.com/hRlngC7eod

— BilawalBhuttoZardari (@BBhuttoZardari) April 8, 2020

آپ دعا کریں کہ اللہ تعالی پاکستان کو اس مشکل وقت سے نکالے، ہم سب کی دعائیں انشاء اللہ ضرور رنگ لائیں گی۔

بلاول نے کہا کہ آپ دعا کریں کہ کورونا وائرس کی وباء کا مقابلہ کرنے کیلئے خدا ہمیں طاقت اور ہمت دے۔

میری آپ سب سے گزارش ہے کہ آج کی شب دعا کریں کہ ہم سب مل کر اس مشکل وقت کا سامنا کرسکیں۔

آخر میں بلاول بھٹو زرداری نے کہا کہ اگر آج رات آپ گھر میں رہ کر عبادت کریں گے اور دعا مانگیں گے تو آپ دوسروں کی زندگیوں کا بھی تحفظ کریں گے۔