گوگل نیوز پر ہمیں فالو کریںپاکستانی شوبز انڈسٹری کی معروف اداکارہ غنا علی کی صاف گوئی انہیں اخبارات کی شہ سرخیوں میں جگہ بنانے میں کامیاب کرتی آئی ہے، ناقدین کو جواب دیتے ہوئے غنا نے کہا کہ اگر میرے میک اپ سے بھی تکلیف ہے تو بڑے ہوجائیں۔
فوٹو شیئرنگ پلیٹ فارم انسٹا گرام پر حال ہی میں اداکارہ غنا علی نے ٹرول کرنے والے مداحوں کے درمیان پھنس گئیں، تاہم ان کے جوابات سے دیگر سوشل میڈیا صارفین بھی محظوظ ہوئے بغیر نہ رہ سکے۔
View this post on Instagram
شوہر کے ہمراہ اپنی ایک تصویر پوسٹ کرنے پر سوشل میڈیا صارفین کی طرف سے تنقید کا سلسلہ شروع ہوگیا جس کے غنا علی نے منہ توڑ جوابات دئیے۔ ایک سوشل میڈیا صارف نے کہا کہ آج کل آپ کے چہرے پر بے انتہا میک اپ نظر آتا ہے، کیا وجہ ہے؟
غنا علی نے ہنس کر جواب دیا کہ آپ کو میرے میک اپ سے بھی تکلیف ہونے لگی؟ بہتر ہوگا کہ اب آپ بڑے ہوجائیں۔ ایک سوشل میڈیا صارفین نے غنا کے شوہر کو اے ٹی ایم قرار دے دیا جس کا بھرپور جواب سامنے آیا۔
مشہورومعروف اداکارہ نے کہا کہ نہ تو میرے شوہر کوئی اے ٹی ایم مشین ہیں، نہ ہی کوئی ارب پتی شخصیت بلکہ وہ ایک عام سی ملازمت کرتے ہیں اور ہم دونوں بہت خوش ہیں، ایسی افواہیں صرف ہمارا ذہنی سکون چھیننے کیلئے ہوتی ہیں۔
سوشل میڈیا پر غنا علی سمیت متعدد شخصیات کو ٹرول کیا جاتا ہے اور غنا کیلئے یہ کوئی پہلا موقع نہیں کہ انہیں عمیر گلزار سے شادی کرنے پر تنقید کا نشانہ بنایا گیا ہو۔ بعض افراد کا دعویٰ ہے کہ عمیر گلزار پہلے سے شادی شدہ ہیں۔
ذرائع کا کہنا ہے کہ نہ صرف غنا علی کے شوہر پہلے سے شادی شدہ ہیں بلکہ ایک بیوی کے علاوہ ان کا ایک 4 سالہ بیٹا بھی ہے۔ ماضی میں شوہر کے ہمراہ تصاویر شیئر کرنے پر بعض سوشل میڈیا صارفین نے غنا کے شوہر کو انکل بھی کہا۔
یہ بھی پڑھیں: سوشل میڈیا پرہرزہ سرائی، غنا علی شوہر کا مذاق اڑانے پر خاموش نہ رہ سکیں
