گوگل نیوز پر ہمیں فالو کریںکراچی:سابق گورنر سندھ اور تحریک انصاف کے رہنما عمران اسماعیل نے وزیر اعلیٰ پنجاب چوہدری پرویز الٰہی کے بیان پر رد عمل دیتے ہوئے کہا ہے کہ ہوسکتا ہے کہ جنرل (ر) کے پرویز الٰہی پر احسانات ہوں مگر ہمارے اوپر ان کے کوئی احسانات نہیں ہیں۔
سابق گورنر عمران اسماعیل نے وزیر اعلیٰ پنجاپ پرویز الہیٰ کے بیان پر رد عمل دیتے ہوئے کہا کہ مقررہ وقت پر اسمبلیاں تحلیل ہوں گی، پوری پاکستانی قوم پی ٹی آئی چیئرمین عمران خان کے ساتھ کھڑی ہے۔
سابق گورنر اور تحریک انصاف کے رہنما عمران اسماعیل نے پی ڈی ایم کو تنقید کا نشانہ بناتے ہوئے کہا کہ اسمبلیوں کی تحلیل کے اعلان کے بعد پی ڈی ایم کو سمجھ نہیں آر ہا کیا کرنا ہے۔
مزید پڑھیں:پی ٹی آئی اور مسلم لیگ ق جنرل (ر) باجوہ کی مقروض ہیں، پرویز الٰہی
واضح رہے کہ اس سے قبل وزیراعلیٰ پنجاب اور مسلم لیگ ق کے رہنما چوہدری پرویز الٰہی نے جنرل (ر) باجوہ کی حمایت کرتے ہوئے کہا تھا کہ پاکستان تحریک انصاف (پی ٹی آئی) اور ان کی جماعت پاکستان مسلم لیگ ق دونوں ریٹائرڈ آرمی چیف جنرل باجوہ کی مقروض ہیں۔
