گوگل نیوز پر ہمیں فالو کریںکراچی: سوشل میڈیا پر سوئی سدرن گیس کمپنی (ایس ایس جی سی) کو بنیاد بنا کر مختلف افواہیں گردش کررہی ہیں کہ صارفین کو صرف کھانے کے اوقات میں گیس ملے گی۔
تفصیلات کے مطابق سوشل میڈیا پر گردش کرنے والی خبروں کے مطابق سوئی سدرن گیس کمپنی نے 15 اکتوبر سے 15 مارچ تک گیس لوڈشیڈنگ کے پلان کا اعلانکیا ہے، بیان میں کہا گیا ہے کہ سندھ اور بلوچستان میں صارفین کو صرف کھانے کے اوقات میں محدود وقت کے لیے گیس ملے گی۔
سوشل میڈیا پر چلنے والی خبروں کے مطابق سوئی سدرن گیس کمپنی نے اعلان کیا کہ گیس کی سپلائی 15 اکتوبر 2022 سے روزانہ معطل رہے گی، گیس جن اوقات میں ملے گی وہ درج ذیل ہیں۔
صبح 6:30 سے 8:30 تک
دوپہر 12 بجے سے دوپہر 2 بجے تک
شام 7 بجے سے رات 9 بجے تک
تاہم اس حوالے سے سوئی گیس کمپنی کی جانب سے تصدیق نہیں کی گئی ہے۔
مزید پڑھیں:انٹربینک میں روپیہ مزید تگڑا، ڈالر کی قدر میں کمی
