ژوب گیریژن اور سوئی حملوں میں شہید ہونیوالے جوانوں کی نمازجنازہ ادا

بلوچستان کے علاقے ژوب گیریژن اور سوئی کے حملوں میں شہید ہونے والے پاک فوج کے شہداء کی نماز جنازہ ادا کردی گئی۔

پاک فوج کے شعبہ تعلقات عامہ (آئی ایس پی آر) کے مطابق نماز جنازہ کے بعد شہداء کی تدفین فوجی اعزاز کے ساتھ آبائی علاقوں میں کی گئی۔

آئی ایس پی آر نے بتایا کہ شہداء کی تدفین میں حاضر اور ریٹائرڈ فوجی افسران سمیت دیگر افراد نے بھی شرکت کی۔

یہ بھی پڑھیں:

بھارت، انسانی حقوق کی سنگین خلاف ورزیوں کیخلاف یورپی یونین میں مذمتی قرار داد منظور

واضح رہے کہ گزشتہ دنوں ژوب گریژن میں دہشت گردوں نے حملہ کیا تھا جس کے نتیجے میں 9 اہلکار شہید ہوئے تھے۔

اس کے علاوہ گزشتہ بلوچستان کے ضلع ڈیرہ بگٹی کے علاقے سوئی میں دہشت گردوں کے حملے میں 3 اہلکار شہید ہوگئے تھے۔