گوگل نیوز پر ہمیں فالو کریںکراچی:فیڈرل بورڈ آف ریونیونے افسران کے کاروباری افراد سے ذاتی تعلقات پر پابندی لگانے پر غور شروع کر دیا ہے۔
چیئرمین ایف بی آر شبر زیدی نے اپنی ٹویٹ میں بتایا کہ اس حوالے سے تمام افسران، ملازمین اور فیلڈ اسٹاف کیلیے جلد سخت ہدایات جاری کی جائیں گی۔
شبر زیدی نے کہاکہ کاروباری حضرات سے ذاتی دوروں، موبائل، ٹیلی فون کالز، پیغام یا ای میل کے زریعے رابطے پر پابندی ہوگی۔ صرف آٹومیٹڈ مجاز سسٹم کے ذریعے ہی رابطہ کیا جا سکے گا۔
چیئرمین ایف بی آر کے مطابق یکم نومبر سے ایف بی آر عملے اور بزنس کمیونٹی کے درمیان بلا اجازت رابطے پر سخت پابندی کا اطلاق ہو جائے گا۔اسکے علاوہ بزنس کمیونٹی سے ایف بی آر کا کوئی فرد رابطہ کرے تو ہمیں اطلاع دی جائے کیونکہ بزنس کمیونٹی سے بغیر اجازت رابطے یا ہراساں کرنے کی ہر گز اجازت نہیں۔
اس سے قبل ایک اور ٹویٹ میں انہوں نے بتایا تھا کہ ملک میں انکم ٹیکس گوشواروں کی تعداد میں ریکارڈ اضافہ ہوا ہے جس میں اب تک 9 لاکھ 18 ہزار سے زیادہ افراد نے گوشوارے جمع کرائے۔
From November 1, 2019 strict enforcement will be made against unauthorised interaction between FBR staff and business community. Business community is suggested to report to FBR if any person contact through any manner without proper authorisation. No harassment.
— Syed Shabbar Zaidi (@ShabarZaidi) October 25, 2019
