گوگل نیوز پر ہمیں فالو کریںٹوکیو: جاپان کے علاقے اوکیناوا میں واقع امریکی فضائی اڈے کے ایک غیر پھٹنے والے بم ذخیرہ کرنے والی سہولت پر دھماکے کے نتیجے میں چار افراد زخمی ہو گئے ہیں، فائر حکام نے پیر کو بتایا کہ زخمیوں کی حالت تشویش ناک نہیں ہے۔
مقامی فائر ڈیپارٹمنٹ کے افسر اکیرا کامیونٹن نے اے ایف پی کو بتایا اوکیناوا کے کادینا ایئر بیس میں جاپان کی سیلف ڈیفنس فورسز کے اہلکاروں نے ذخیرہ شدہ اشیاء سے زنگ صاف کرنے کی کوشش کی تاکہ ان کی دوبارہ بم ہونے کی تصدیق کی جا سکے، اسی دوران دھماکہ ہوا جس میں ایس ڈی ایف کے چار ارکان زخمی ہو گئے جنہیں فوری طور پر اسپتال منتقل کر دیا گیا۔
جاپانی میڈیا اور جِی جِی پریس کے مطابق زخمیوں کی حالت خطرے سے باہر ہے۔
دفاعی وزارت کے ترجمان نے بھی کادینا ایئر بیس پر دھماکے کی تصدیق کی، جو اوکیناوا کے جنوبی علاقے کے مرکزی جزیرے پر واقع ہے۔
دوسری جنگ عظیم کے دوران، جاپان نے اوکیناوا کو امریکی افواج کی پیش رفت روکنے کے لیے ایک حفاظتی سرحد کے طور پر استعمال کیا تھا۔
1945 کی اوکیناوا کی جنگ میں مرکزی جزیرے کی ایک چوتھائی سے زیادہ عام آبادی ہلاک ہو گئی تھی۔
