گوگل نیوز پر ہمیں فالو کریںکراچی: رواں مالی سال دو ماہ کے دوران غیرملکی سرمایہ کاری میں 16 فیصد اضافہ ہوا ہے۔
اسٹیٹ بینک کے مطابق جولائی اور اگست میں 23 کروڑ 40 لاکھ ڈالر کی براہ راست غیرملکی سرمایہ کاری کی گئی ہے۔
اگست میں ایف ڈی آئی کی مالیت 14 کروڑ61 لاکھ ڈالر رہی، اگست 2022 کی نسبت گزشتہ ماہ ایف ڈی آئی میں 15 فیصد اضافہ ہوا ہے۔ مرکزی بینک کے مطابق سب سے زیادہ پانچ کروڑ ڈالرکی سرمایہ کاری چین نے کی ہے۔
دوسری جانب اسٹیٹ بینک کے مطابق ڈالر میں تین ماہ کی سرمایہ کاری کے منافع میں 1 اعشاریہ 25 فی صد اضافہ ہوا ہے، ڈالر میں تین ماہ کی سرمایہ کاری پر شرح منافع 8 اعشاریہ 25 فی صد ہوگیا، روپے میں تین ماہ کی سرمایہ کاری پر شرح منافع میں 6 فی صد اضافہ ہوا ہے جس کے بعد روپے میں تین ماہ کی سرمایہ کاری پر شرح منافع 21 فی صد ہوگیا۔
ڈالر میں 6 ماہ کی سرمایہ کاری کے منافع میں 1 اعشاریہ 30 فی صد کا اضافہ ہوا ہے، ڈالر میں 6 ماہ کی سرمایہ کاری پر منافع 8 اعشاریہ 50 فی صد ہوگیا جبکہ روپے میں 6 ماہ کی سرمایہ کاری پر شرح منافع میں 6 فی صد اضافے کے بعد روپے میں تین ماہ کی سرمایہ کاری پر شرح منافع 21اعشاریہ 25 فی صد ہوگئی ہے۔
