گوگل نیوز پر ہمیں فالو کریںمکہ مکرمہ: سعودی وزارت داخلہ نے پہلی بار حج اور عمرے کے دوران مسجد الحرام میں سکیورٹی کے انتظامات کے لیے خواتین پولیس اہلکاروں کو تعینات کرنے کا فیصلہ کیا ہے۔
غیرملکی خبررساں ادارے کی رپورٹ کے مطابق سعودی حکومت نے گذشتہ برس مسجد الحرام میں آنے والی خواتین کی چیکنگ اور نگرانی کے لیے خواتین اہلکاروں کی تعیناتی کا فیصلہ کیا گیا تھا جس پر اب عمل درآمد شروع کردیا گیا ہے۔
سماجی رابطے کی ویب سائٹ ٹوئٹر پر سعودی وزارت داخلہ نے خاتون سیکیورٹی اہلکاروں کی حرم شریف میں ذمہ داریاں نبھاتے ہوئے تصاویر شیئر کیں اور کیپشن میں لکھا کہ حج و عمرہ کے دوران سیکیورٹی کے فرائض خواتین عسکری اہل کار بھی انجام دے رہی ہیں۔
#من_الميدان ، “أمن الحج والعمرة”@security_gov pic.twitter.com/5j93CKcmzl
— وزارة الداخلية (@MOISaudiArabia) April 19, 2021
وزارت داخلہ کے ترجمان کا کہنا ہے کہ کورونا وبا کے دوران خواتین نمازیوں اور معتمرین سے ایس او پیز پر عمل درآمد کرانا مرد اہلکاروں کے لیے مشکل ہو رہا تھا جس پر خواتین اہلکاروں کو تعینات کیا گیا ہے۔
واضح رہے کہ سعودی ولی عہد محمد بن سلمان کے وژن 2023 کے تحت مملکت میں خواتین کو خودمختار بنانے کی پالیسی پر عمل کیا جا رہا ہے جب کہ سیکیورٹی کے شعبے کے لیے بھی خواتین کو تربیت دی جا رہی ہے۔
یہ بھی پڑھیں : وزیر داخلہ نے برطانوی ہائی کمشنر سے نواز شریف کو ڈی پورٹ کرنے کی درخواست کردی
