گوگل نیوز پر ہمیں فالو کریںدانیال افضل کی ڈائریکشن میں بننے والی ویب سیریز ’فاطمہ جناح‘ کا پہلا سیزن رواں ماہ 14 اگست کو ریلیز کیا جائے گا۔
سیریز میں مادرِ ملت کو تین ادوار میں پیش کیا جائے گا جن میں تقسیم سے قبل 30 سالہ فاطمہ جناح، آزادی کے دوران 50 سالہ اور تقسیم کے بعد 70 سالہ فاطمہ جناح شامل ہیں۔
View this post on Instagram
اس ویب سیریز میں فاطمہ جناح کا کردار ادا کرنے کے لئے سندوس فرحان، سجل علی اور سمعیہ ممتاز کو شامل کیا گیا ہے۔
پہلے حصے میں کہانی عظیم سیاسی رہنما کی بہن ہونے کے گرد گھومے گی۔
دانیال افضل نے ایک انٹرویو میں یہ انکشاف کیا تھا کہ ویب سیریزکی شوٹنگ صرف لاہور اور اسلام آباد میں کی گئی ہے، اس میں نہ صرف فاطمہ جناح بلکہ کئی دیگر تاریخی شخصیات بھی نظر آئیں گی۔
اس موقع پر قائد اعظم، علامہ اقبال، لیاقت علی خان، رٹی جناح اور رانا لیاقت حسین کے کردار بھی جلوہ گر ہوں گے۔
انہوں نے یہ بھی بتایا کہ یہ ویب سیریز رضا پیر بھائی کی کتاب ”مادرِ ملت“ کی کہانی پر مبنی ہے۔
