شاد باغ لاہور میں پی ٹی آئی کے دفتر پر نامعلوم افراد کی فائرنگ، شیشے ٹوٹ گئے

صوبہ پنجاب کے دارالحکومت لاہور کے علاقے شاد باغ میں پی ٹی آئی کے دفتر پر نامعلوم افراد نے فائرنگ کی جس سے دفتر کے شیشے ٹوٹ گئے ہیں۔

تفصیلات کے مطابق داتا کی نگری لاہور میں پی ٹی آئی رہنما بلال بٹ کے دفتر پر فائرنگ ہوئی جس سے دفتر میں موجود کارکنان اور پی ٹی آئی رہنماؤں میں خوف پھیل گیا تاہم واقعے میں کسی جانی نقصان کی اطلاع  تاحال موصول نہیں ہوئی۔

لاہور پولیس کا کہنا ہے کہ فائرنگ کے باعث بلال بٹ کے آفس کے شیشے ٹوٹ گئے جو شاد باغ کے علاقے بھگت پورہ میں واقع ہے۔ تحریکِ انصاف نے مقدمہ درج کرنے کیلئے درخواست دے دی جس پر تفتیش جاری ہے۔ 

یاد رہے کہ اِس سے قبل راولپنڈی میں نجی ہوٹل پر فائرنگ کے نتیجے میں 1شخص جاں بحق ہوگیا تھا  جس کے بعد 1 ملزم کو اسلحے سمیت گرفتار کیا گیا۔

 یہ افسوسناک واقعہ راولپنڈی میں تھانہ رتہ امرال کے علاقے اٹک پٹرول پمپ کے قریب پیش آیا جہاں نجی ہوٹل پر موٹر سائیکل سوار ملزمان نے 8 روز قبل فائرنگ کی۔

مزید پڑھیں: راولپنڈی میں  فائرنگ سے 1 شخص جاں بحق، ملزم اسلحے سمیت گرفتار