شکارپور کے قریبی گاؤں میں دو گروہوں کے درمیان فائرنگ سے دو کمسن بچیاں جاں بحق ہو گئیں جبکہ ایک شخص زخمی بھی ہوا ہے۔
تفصیلات کے مطابق دیرینہ دشمنی کے باعث متحارب گروہ طویل عرصے سے جاری تنازعے کے باعث آپس میں لڑ پڑے۔ گروہوں نے ایک دوسرے پر اسلحے سے فائرنگ کی جس کا نشانہ معصوم بچیاں بنیں اور نامعلوم سمت سے آنے والی گولیوں نے ان کی جان لے لی۔
پولیس نے بچیوں کی نعشیں قبضے میں لے کر تفتیش شروع کردی ہے جبکہ زخمی ہونے والے شخص کو فوری طبی امداد کے لئے اسپتال پہنچا دیا گیا ہے۔