سکھ برادری سے وزیر اعظم نے ایک اور وعدہ پورا کردیا۔فردوس عاشق اعوان

 معاونِ خصوصی برائے اطلاعات و نشریات  ڈاکٹر فردوس عاشق اعوان نے کہا ہے کہ وزیر اعظم نے سکھ برادری سے کیا گیا ایک اور وعدہ پورا کردیا، جبکہ گرونانک یونیورسٹی کا سنگِ بنیاد رکھا جارہا ہے۔

سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ وزیر اعظم عمران خان آج ننکانہ صاحب کا دورہ کریں گے اور یونیورسٹی کا سنگِ بنیاد رکھا جائے گا۔

یہ بھی پڑھیں: عدالت نے مریم نواز کی درخواستِ ضمانت پرسماعت کل تک ملتوی کردی

فردوس عاشق اعوان نے کہا کہ گرونانک یونیورسٹی وزیر اعظم عمران خان کے ایک اور وعدے کی تکمیل جبکہ کرتارپور راہداری کی صورت میں وزیر اعظم نے بین المذاہب ہم آہنگی کا بیج بو دیا ہے۔

انہوں نے کہا کہ کرتار پور راہداری مختلف مذاہب کے ماننے والوں میں ہم آہنگی کا باعث بنے گی جبکہ وزیر اعظم کا یہ اقدام رواداری کا سایہ دار شجر بن جائے گا۔

وزیراعظم عمران خان آج ننکانہ صاحب میں بابا گرونانک یونیورسٹی کا سنگ بنیادرکھیں گے۔یہ سکھ برادری سےعمران خان کے ایک اوروعدے کی تکمیل ہے۔کرتارپورراہداری کی صورت میں بین المذاہب ہم آہنگی کا جو بیج انہوں نےبویاہےوہ مختلف مذاہب کے ماننےوالوں میں ہم آہنگی اوررواداری کاسایہ دارشجربنے گا

— Dr. Firdous Ashiq Awan (@Dr_FirdousAwan) October 28, 2019

 یاد رہے کہ اس سے قبل وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ پاکستانی عوام کشمیریوں کیساتھ مکمل یکجہتی، غیر متزلزل حمایت اور ہر محاذ پر ڈٹ کر ساتھ دینے کے عزم کا اعادہ کرتے ہیں۔

انہوں نے گزشتہ روز کہا کہ کشمیری بھارتی ظلم اور بربریت کا جرات اور استقامت سے مقابلہ کر رہے ہیں،بھارت جان لے کہ حق، سچ اور اصول پر کھڑی قوم کو کوئی بندوق، جبر اور ظلم شکست نہیں دے سکتا۔

مزید پڑھیں: حق، سچ اور اصول پر کھڑی قوم کو بھارت بندوق، جبر اور ظلم شکست نہیں دے سکتا،فردوس عاشق اعوان