گوگل نیوز پر ہمیں فالو کریںآکلینڈ: نیوزی لینڈ نے پاکستان کے خلاف تین ایک روزہ میچوں کی سیریز کے آخری میچ میں 265 رنز کا ہدف مقرر کیا ہے،ہدف کے تعاقب میں گرین شرٹس نے اپنی اننگز کا آغاز کر دیا ہے۔
قومی میڈیا کی رپورٹ کے مطابق پاکستان اور نیوزی لینڈ کے درمیان فائنل میچ مونٹ ماؤنگانوئی میں کھیلا جا رہا ہے، گزشتہ روز مونٹ ماؤنگانوئی میں بارش جاری رہی جس کی وجہ سے میدان گیلا رہ گیا تھا۔
تقریباً 2 گھنٹے کی تاخیر کے بعد ٹاس کا عمل مکمل ہوا جس میں پاکستان نے ٹاس جیت کر پہلے فیلڈنگ کرنے کا فیصلہ کیا۔ شروع میں تاخیر کی وجہ سے میچ کی اننگز کو 42 اوورز تک محدود کر دیا گیا۔
نیوزی لینڈ نے مقررہ 42 اوورز میں 8 وکٹوں کے نقصان پر 264 رنز بنائے۔ کپتان مائیکل بریسویل نے 59 رنز کے ساتھ سب سے زیادہ اسکور کیا۔ ماریو نے 58 رنز بنائے، ڈیرل مچل نے 43 رنز کا اضافہ کیا، اور ہنری نیکولس نے 31 رنز کی شراکت کی۔
پاکستان کے لیے عاکف جاوید نے 4 وکٹیں حاصل کیں۔ نسیم شاہ نے 2 وکٹیں لیں جبکہ فہیم اشرف اور صوفیان مقیم نے ایک ایک وکٹ حاصل کی۔پاکستان کے اسکواڈ میں ایک تبدیلی کی گئی، نسیم شاہ حارث رؤف کی جگہ پلینگ الیون میں شامل ہوئے۔
یہ بات قابل ذکر ہے کہ نیوزی لینڈ کے پاس پاکستان کے خلاف تین ایک روزہ میچوں کی سیریز میں ناقابلِ شکست 2-0 کی برتری ہے۔ پاکستانی اوپنرز عبداللہ شفیق اور امام الحق نے محتاط انداز میں اننگز کا آغاز کیا۔
