گوگل نیوز پر ہمیں فالو کریںاسلام آباد: ایف آئی اے نے آئی ایم ایف کے حوالے سے آڈیو لیک کے معاملے پر شوکت ترین کو گرفتار کرنے کا فیصلہ کرلیا۔
ذرائع کا اس حوالے سے کہنا ہے کہ شوکت ترین کو آئندہ چند دنوں میں گرفتارکئے جانے کا امکان ہے،آئی ایم ایف کے حوالے سے شوکت ترین کی آڈیو لیک کے معاملے پرایف آئی اے نے تحقیقات مکمل کر لی ہیں۔
وفاقی تحقیقاتی ادارے نے کارروائی کیلئے وزارت داخلہ سے اجازت مانگ لی ہے۔ وزارت داخلہ سے شوکت ترین کی گرفتاری کی اجازت طلب کی گئی ہے۔
ایف آئی اے کے مطابق شوکت ترین قومی مفادات اور سکیورٹی کو نقصان پہنچانا چاہتے تھے،شوکت ترین کی گفتگو آئی ایم ایف سے ڈیل کو نقصان پہنچانے کیلئے تھی۔
مزید پڑھیں:شہباز گل کی بریت کی درخواست مسترد، فرد جرم عائد کرنے کا فیصلہ
واضح رہے کہ گزشتہ سال اگست میں شوکت ترین کی پنجاب اور خیبرپختونخوا کے اُس وقت کے وزرائے خزانہ سے ٹیلی فونک بات چیت منظر عام پر آئی تھی۔جس میں آئی ایم ایف سے شکایت کرنے کو کہاگیا تھا۔
