وفاقی کابینہ نے بھارت سے چینی اور کپاس درآمد کرنے کی تجویز مسترد کردی

اسلام آباد :وفاقی کابینہ نے وزیراعظم عمران خان کی زیرصدارت اجلاس میں بھارت سے چینی اور کپاس کی درآمد کی تجویز مسترد کردی ہے۔

وزیر اعظم نے ویڈیو لنک کے ذریعے اجلاس کی صدارت کی،شرکا نے 22 نکاتی ایجنڈے اور اقتصادی رابطہ کمیٹی کے فیصلوں کا جائزہ لیا۔

وفاقی کابینہ نے ملک کی مجموعی سیاسی اور معاشی صورتحال پر تبادلہ خیال کیا۔ کورونا وائرس سے بچاؤ کیلئے ویکسین کے عمل کے بارے میں بھی وزیر اعظم کو بتایا گیا۔

مزید پڑھیں:نوجوانوں کوروزگار کیلئے چھوٹے قرض دینے کا منصوبہ تیار کرلیا، مرا علی شاہ

اس سے قبل ای سی سی نے افراط زر پر قابو پانے کے لئے بھارت سے چینی ، کپاس اور گندم کی محدود درآمد کی اجازت دی تھی حکومت نے کہا ہے کہ چینی کی درآمد کے لئے اجازت نامے دیئے جائیں گے۔

اس اقدام سے توقع کی جارہی ہے کہ رمضان سے قبل چینی کی قیمت میں 20 فیصد تک کمی ہوجائے گی جبکہ جب کھپت میں اضافہ ہوتا ہے۔ 30 لاکھ ٹن گندم بھی لانے کی اجازت ہوگی ، ساتھ ہی کپاس اور سوت کی غیر متعینہ مقدار میں درآمد کی اجازت ہوگی ۔