گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ مولانا فضل الرحمان جمہوریت سے بدلہ لینے پر تُل گئے ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ مولانا فضل الرحمان جس طرح خالی ہاتھ اسلام آباد آئے تھے، ویسے ہی خالی ہاتھ واپس لوٹے۔
معاونِ خصوصی اطلاعات فردوس عاشق اعوان نے کہا کہ جمعیت علمائے اسلام (ف) کے سربراہ فضل الرحمان کی سیاسی جڑیں عوام نے کاٹ دی ہیں جبکہ قوم نے دیکھ لیا ہے کہ کون اسلام آباد سے چلتا بنا اور ہل کر باہر گرا۔
مولانا صاحب آپ جس طرح خالی ہاتھ اسلام آباد آئے تھے، ویسے ہی خالی ہاتھ واپس لوٹ گئے۔ آپ کی کی سیاسی جڑیں عوام نے کاٹیں لیکن آپ جمہوریت سے بدلہ لینے پر تل گئے۔ قوم نے دیکھ لیا کہ کون اسلام آباد سے چلتا بنا اور ہل کر باہر جا گرا۔
— Dr. Firdous Ashiq Awan (@Dr_FirdousAwan) November 20, 2019
فردوس عاشق اعوان نے کہا کہ عوام نے مولانا کو مسترد کرکے ثابت کیا ہے کہ ہم انتہا پسندی کے ساتھ نہیں ہیں۔ عوام نے جمعیت علمائے اسلام (ف) کے تمام پلان چوپٹ کرکے آپ کو پلان ”ایگزٹ“ کا سہارا لینا پڑا۔
عوام نے آپ کو مسترد کرکے ثابت کیا کہ وہ انتہا پسندی کے ساتھ نہیں۔عوام نے آپ کے سارے پلان چوپٹ کر دئیے اور آپ کو پلان "ایگزٹ" کا سہارا لینا پڑا۔
— Dr. Firdous Ashiq Awan (@Dr_FirdousAwan) November 20, 2019
انہوں نے کہا کہ فضل الرحمان کے حکومت مخالف آزادی مارچ پلان بی کے تحت ملک کی شاہراہیں بلاک کرنے کا پلان بھی عوام نے مسترد کردیا ہے۔
انہوں نے مولانا فضل الرحمان کو مشورہ دیتے ہوئے کہا کہ آپ جمہوریت کے راستے میں انا کی رکاوٹیں کھڑی کرکے اپنا سیاسی مستقبل خراب نہ کریں، حلقے میں جائیں، سیاسی طور پر ہلکے نہ ہوں۔
ان کا کہنا تھا کہ جے یو آئی (ف) سربراہ مولانا فضل الرحمان لشکر کشی اور غیر جمہوری ہتھکنڈوں میں ناکام ہوچکے ہیں اور اب اپنی خفت مٹانے کی کوشش میں مصروف ہیں۔
"روڈز بلاک"پلان بھی عوام نے مسترد کردیا۔ مولانا جمہوریت کے راستے میں انا کی رکاوٹیں کھڑی کرکے اپنا سیاسی مستقبل خراب نہ کریں، حلقے میں جائیں، سیاسی طور پر ہلکے نہ ہوں۔ مولانالشکر کشی اور غیر جمہوری ہتھکنڈوں میں ناکامی کے بعد اپنی خفت مٹانے کی کوشش کر رہے ہیں.
— Dr. Firdous Ashiq Awan (@Dr_FirdousAwan) November 20, 2019
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے مسلم لیگ (ن) کے تاحیات قائد نواز شریف کے لیے نیک تمناؤں کا اظہار کرتے ہوئے کہا کہ ہم دعا گو ہیں کہ محمد نواز شریف جلد صحتِ کاملہ کے مالک بنیں۔
ٹوئٹر پر اپنے پیغام میں گزشتہ روز معاونِ خصوصی اطلاعات فردوس عاشق اعوان نے کہا کہ ہم سابق وزیر اعظم نواز شریف کی تندرستی کی دُعا کرتے ہیں۔
مزید پڑھیں: دعا گو ہیں نواز شریف جلد صحت کاملہ کے مالک بنیں۔فردوس عاشق اعوان
