فواد خان پیشہ ورانہ زندگی میں بہت اچھے انسان ہیں۔عظمیٰ بیگ

گزشتہ برس ڈرامہ سیریل چپکے چپکے سے شہرت حاصل کرنے والی اداکارہ عظمیٰ بیگ اور فواد خان نئی ویب سیریز میں ایک ساتھ جلوہ گر ہوں گے۔ اداکارہ عظمیٰ بیگ کا کہنا ہے کہ فواد خان پیشہ ورانہ زندگی میں بہت اچھے انسان ہیں۔

تفصیلات کے مطابق نئی ویب سیریز میں فواد خان اور صنم سعید مرکزی کرداروں میں جلوہ گر ہوں گے۔ عظمیٰ بیگ نے اپنے ایک حالیہ انٹرویو میں بتایا کہ ویب سیریز بھارتی او ٹی ٹی پلیٹ فارم زی 5 پر ریلیز ہوگی۔ فواد خان بہت اچھے انسان اور پیشہ ورانہ اعتبار سے سنجیدہ شخصیت کے مالک ہیں۔

یہ بھی پڑھیں:

فرحان سعید نے ”سنو چندا” سیژن 3 کرنے کیلئے کیا شرط رکھ دی؟

انٹرویو کے دوران اداکارہ عظمیٰ بیگ نے کہا کہ فواد خان نے گیلا سویٹر پہن کر منفی ڈگری درجہ حرارت پر شوٹنگ کی اور سخت سردی میں اس وقت تک اداکاری جاری رکھی جب تک کہ بہترین اور من پسند عکسبندی حاصل نہ ہوگئی۔ مجھے ڈائریکٹر عاصم عباسی کے ساتھ کام کیلئے بے حد خوشی ہے۔

معروف اداکارہ عظمیٰ بیگ نے کہا کہ عاصم عباسی چڑیلز اور کیک جیسے پراجیکٹس کرچکے ہیں۔ واضح رہے کہ فواد خان نے 4 ایسے پراجیکٹس میں کام کیا ہے جو نیٹ فلکس یو ایس اے پر دستیاب ہیں جن میں بھارتی فلم خوبصورت، پاکستانی ٹی وی سیریل ہم سفر، زندگی گلزار ہے اور سترنگی شامل ہیں۔

اداکار فواد خان پاکستان کے علاوہ بھارت میں بھی اداکاری کے جوہر دکھا چکے ہیں۔ بالی ووڈ فلم خوبصورت میں فواد خان کے بالمقابل ہیروئن کا کردار انیل کپور کی صاحبزادی سونم کپور نے ادا کیا تھا۔ فلم میں ہیروئن کا کردار شرارتی جبکہ ہیرو کا سنجیدہ مزاج دکھایا گیا ہے جسے مداحوں نے بہت پسند کیا۔