فرحان سعید، عروہ حسین کے ساتھ ڈرامے میں کام کرینگے یا نہیں؟ جانئے

کراچی: معروف گلوکار و دلکش اداکار فرحان سعید نے عروہ حسین کے ساتھ ڈرامے میں کام کرنے سے متعلق بیان دیا ہے۔

حال ہی میں سوشل میڈیا پر اُن کا ایک انٹرویو وائرل ہورہا ہے جس میں انہوں نے کہا ہے کہ ہوسکتا ہے کہ ہم دونوں ڈرامے میں ساتھ نظر آئیں لیکن ایسا امکان بھی ہے کہ دونوں میں سے ایک منع کردے۔

فرحان سعید کے اس بیان نے سوشل میڈیا پر مختلف قسم کی قیاس آرائیاں شروع کردی ہیں، سوشل میڈیا صارفین یہ تبصرہ کررہے ہیں کہ شاید اِن کے درمیان تعلقات پھر سے خراب ہوگئے ہیں۔

یہ بھی پڑھیں:

ولاگر حنا دانیال کی موت کیسی ہوئی؟ بہن کا انکشاف

واضح رہے کہ دونوں معروف اداکار 2016 میں رشتہ ازدواج میں بندھے تھے لیکن 2020 میں ایسی خبریں سامنے آنے لگیں کہ اِن کے درمیان علیحدگی ہوگئی ہے، تاہم اس بارے میں دونوں میں سے کسی نے نا تو تردید کی اور نا ہی تصدیق کی ہے۔

یاد رہے کہ گزشتہ دنوں یہ خبر سامنے آئی تھی کہ فرحان سعید اور عروہ حسین کے درمیان صلح ہوگئی ہے بعدازاں دونوں نے ساتھ میں زارانور عباس کی سالگرہ میں بھی شرکت کی تھی۔