گوگل نیوز پر ہمیں فالو کریںوزیر اعظم عمران خان اور اُن کی اہلیہ بشریٰ بی بی کے درمیان علیحدگی کی خبریں جھوٹی اور من گھڑت ہیں، معاون خصوصی برائے سیاسی روابط ڈاکٹر شہباز گل نے خبروں کی تردید کردی۔
تفصیلات کے مطابق سوشل میڈیا سائٹ ٹوئٹر پر ایسی خبریں چلائی جارہی تھیں کہ خاتون اول اور وزیراعظم کے درمیان ناراضگی ہوگئی ہے اور اسی وجہ سے بشریٰ بی بی ناراض ہوکر لاہور چلی گئیں ہیں۔
ان خبروں کے سامنے آتے ہی وزیراعظم کے معاون خصوصی برائے سیاسی روابط ڈاکٹر شہباز گل کا کہنا تھا کہ یہ خبریں جھوٹی اور من گھڑت ہیں اور اُس شخص کے خلاف سخت ایکشن لیا جائگا جس نے ایسی خبر پھیلائی ہے۔
پورے ایک سال میں خاتون اوّل صرف ایک ہفتےکے لئے لاہور تشریف لے کر گئیں۔
پچھلے چند مہینوں سے وہ لاہور تشریف نہیں لے کر گئیں اور اسلام آباد میں تشریف فرما ہیں۔سیاست اور صحافت کریں لیکن اہلخانہ جو سیاست میں موجود ہی نہیں ان کے بار جھوٹی جعلی خبریں دیں گے تو عدالت لے کر جائیں گے
— Dr. Shahbaz GiLL (@SHABAZGIL) February 12, 2022
تاہم اس حوالے سے اُن کا مزید کہنا تھا کہ وزیراعظم اور خاتون اول دونوں اسلام آباد میں ہیں اور خاتون اول پچھلے پورے ایک سال میں صرف ایک ہفتے کیلیئے لاہور تشریف لے کر گئیں تھیں۔
مزیدازاں اُن کا یہ بھی کہنا تھا کہ سیاست اور صحافت کریں کسی کے اہلخانہ کے بارے میں جعلی خبریں نہ پھیلائیں۔
مزید پڑھیں:غلام نبی میمن نے ماتحت افسران سے ٹریفک چالان کا اختیار واپس لے لیا
دوسری جانب بشریٰ بی بی کی قریبی دوست فرح خان کا بھی اس حوالے سے کہنا ہے کہ یہ پروپیگینڈا کیا جارہا ہے، خاتون اول قطعا میرے گھر میں قیام پزیر نہیں ہوئیں، وہ دونوں اسلام آباد میں ہیں۔
جھوٹ پر مبنی واٹس اپ میسیج کے ذریعے وزیراعظم اور خاتون اول کے خلاف پراپیگنڈا کیا جا رہا ہے۔ خاتون اول میرے گھر قطعا قیام پذیر نہیں اور بنی گالا اسلام آباد میں موجود ہیں۔ سیاست میں اتنا نیچے نہیں گرنا چاہیے کہ لوگوں کی ذاتی زندگیوں پر جھوٹ بولے جائیں.
— iam Farah Khan (@farahkhan_92) February 12, 2022
