گوگل نیوز پر ہمیں فالو کریںپشاور: خیبر پختونخوا حکومت نے کہا ہے کہ ہم صحت کے شعبے میں عوام کیلئے سہولیات میں اضافہ کر رہے ہیں جبکہ عوام کیلئے 50 بستروں کا آئی سی یو فعال کردیاگیا۔
سماجی رابطے کی ویب سائٹ ٹوئٹر پر اپنے پیغام میں خیبر پختونخوا کے وزیرِ خزانہ و صحت تیمورخان جھگڑا نے کہا کہ کے پی کے صحت کی سہولیات میں توسیع لا رہا ہے، 50 بستروں کا آئی سی یو صوبائی حکومت کے اخراجات سے فعال بنایا گیا۔
پیغام میں صوبائی وزیرِ صحت و خزانہ تیمور خان جھگڑا نے کہا کہ ویمن اینڈ چلڈرن ہسپتال، چارسدہ میں ہم نے آئی سی یو اور ایچ ڈی یو کو فعال کردیا جس سے ضلعے کے عوام الناس فائدہ اٹھا سکیں گے اور خود وادئ پشاور کیلئے بھی سہولیات میں اضافہ ہوگیا ہے۔
1. KP expanding healthcare capacity:
A 50 bed ICU / HDU now operational with GoKP funding, at the Women and Children Hospital Charsadda, increasing capacity for the district, and surge capacity for the Peshawar valley, now operational. pic.twitter.com/jcDF4Z4TZH— Taimur Saleem Khan Jhagra (@Jhagra) July 4, 2020
وزیرِ صحت و خزانہ تیمور خان جھگڑا نے کہا کہ سہولت میں توسیع وفاقی حکومت کے تعاون سے کی گئی جبکہ اگست کے دوران ایک 100 بستروں پر مشتمل یونٹ بھی فعال کر لیا جائے گا۔ بلا شبہ کورونا وائرس کے کیسز اور ہسپتالوں میں داخلے کم ہو گئے ہیں، تاہم شعبۂ صحت پر توجہ دے رہے ہیں۔
تیمور خان جھگڑا نے کہا کہ کورونا وائرس کیسز میں کمی کے موقعے سے فائدہ اٹھاتے ہوئے ہم وائرس کے دوسرے حملے کیلئے تیاری کر رہے ہیں اور شعبۂ صحت کو ترجیح دینا اور سہولیات میں توسیع اسی سلسلے کی ایک کڑی ہیں تاکہ عوام کو مہلک وائرس سے بچایا جاسکے۔
2. The facility is being expanded in collaboration with the federal govt & an additional 100 bed unit will be made operational August.
Although cases & hospitalisations are mercifully declining we are using the opportunity to scale up preparedness for any second surge. pic.twitter.com/FVdMqnJfK4— Taimur Saleem Khan Jhagra (@Jhagra) July 4, 2020
یاد رہے کہ اس سے قبل صوبہ خیبر پختونخواہ کے وزیرِ خزانہ و صحت تیمور خان جھگڑا نے کہا کہ کے پی کے بجٹ میں ترقیاتی اخراجات کیلئے سب سے زیادہ رقم مختص کی گئی ہے۔
ٹوئٹر پر گزشتہ ماہ اپنے پیغام میں صوبائی وزیر تیمور خان جھگڑا نے کہا کہ ہم نے ترقیاتی اخراجات کیلئے 318 ارب کی خطیر رقم مختص کی جو کسی بھی صوبے کے مقابلے میں سب سے زیادہ ہے۔
مزید پڑھیں: ترقیاتی اخراجات کیلئے سب سے زیادہ رقم مختص ہے۔تیمور جھگڑا
