گوگل نیوز پر ہمیں فالو کریںاسلام آباد: سابق چیف جسٹس آف پاکستان گلزار احمد نے حکومت سے فول پروف سیکورٹی مانگ لی ، وزارت داخلہ کو خط لکھ دیا۔
سابق چیف جسٹس گلزار احمد نے وزارت داخلہ کو خط لکھا تھا جس میں انہیں اور ان کے اہل خانہ کے لیے فول پروف سیکورٹی فراہم کرنے کا مطالبہ کیا تھا۔ یہ خط 27 جنوری کو سپریم کورٹ کے ڈپٹی رجسٹرار کے ذریعے بھیجا گیا ۔
درخواست میں سابق چیف جسٹس نے کہا کہ انہوں نے دہشت گردی، ماورائے عدالت قتل، اقلیتوں کے حقوق، تجاوزات اور دیگر سمیت متعدد ہائی پروفائل کیسز پر فیصلے سنائے جس کی وجہ سے انہیں اور اہل خانہ کو سیکورٹی خدشات درپیش ہیں اس لئے وزارت داخلہ اپنے حفاظتی انتظامات برقرار رکھے۔اپنے خط میں سابق چیف جسٹس گلزار احمد نے رہائش گاہ اور سفر کے لیے رینجرز سے سیکورٹی مانگی۔
واضح رہے کہ سابق چیف جسٹس گلزار احمد1988ء میں بطور ایڈووکیٹ ہائی کورٹ انرولمنٹ کے بعد 2001ء میں سپریم کورٹ کے وکیل بنے۔ انہیں 1999-2000کے لیے سندھ ہائیکورٹ بار ایسوسی ایشن کا اعزازی سیکریٹری منتخب کیا گیا۔
مزید پڑھیں:بلوچستان میں دہشتگردوں کے حملوں کے بعد ملک بھر میں ہائی الرٹ جاری
