گوگل نیوز پر ہمیں فالو کریںپاکستانی شوبز انڈسٹری کی معروف اداکارہ سونیا حسین نے کہا ہے کہ ملک بھر میں کام کرنے والی ہر خاتون کو ہراسگی کا سامنا ہے اور مطالبہ کیا کہ کسی بھی خاتون کی تذلیل نہ کی جائے۔
تفصیلات کے مطابق اداکارہ سونیا حسین نے اپنی انسٹاگرام اسٹوری میں کہا کہ ہر کام کرنے والی خاتون کو روزانہ کی بنیاد پر توہین، ہراسگی، سلٹ شیمنگ اور طعن و تشنیع کا سامنا کرنا پڑتا ہے۔
کترینہ کیف کے ہاں ننھے مہمان کی آمد کی افواہیں دوبارہ کیوں؟
معروف اداکارہ سونیا حسین نے کہا کہ خواتین سے تعصب کا برتاؤ نہیں ہونا چاہئے، ہمیں من حیث القوم بیدار ہونے اور اس صورتحال سے نمٹنے کی ضرورت ہے جبکہ خواتین ملک کی نصف آبادی ہیں۔
اداکارہ سونیا حسین نے کہا کہ پاکستان کی نصف آبادی پر مشتمل خواتین کا مقصد کسی کے بھی ہاتھوں تنقید کا نشانہ بننا نہیں ہے۔ ہم رہنما، کامیابی حاصل کرنے والی اور جنگجو خواتین پاکستان کا مستقبل ہیں۔
خیال رہے کہ حال ہی میں مختلف اداکاراؤں پر ہنی ٹریپ کے طور پر استعمال ہونے کا الزام عائد کیا گیا تھا جس کے بالواسطہ ردِ عمل کے طور پر سونیا حسین کا کہنا تھا کہ خواتین چاہتی ہیں کہ ان کی عزت کی جائے۔
