گوگل نیوز پر ہمیں فالو کریںپاکستان سمیت دنیا بھر سے آئے ہوئے تارکینِ وطن اٹلی اور امریکا سمیت دیگر ممالک کا رخ کرتے ہوئے سمندر کی لہروں کی نذر ہوجاتے ہیں، ایسے میں سماجی رابطے کی ویب سائٹ ایکس کے مالک ایلون مسک نے نئی بحث چھیڑتے ہوئے تارکینِ وطن کو بچانا مداخلت قرار دے دیا۔
تفصیلات کے مطابق اپنی ایک حالیہ پوسٹ میں ایلون مسک نے ایکس کے ایک اور صارف کی پوسٹ کو ری پوسٹ کیا جس نے تحریر کیا تھا کہ جرمن حکومت کی امداد سے چلنے والی کشتیاں غیر قانونی تارکینِ وطن کو اٹلی پہنچا رہی ہیں۔
اسپین کے نائٹ کلب میں آگ لگنے سے 13 افراد ہلاک
ایکس کے مالک ایلون مسک نے کہا کہ جرمن عوام جانتے ہیں کہ حکومت کیا کر رہی ہے؟ جس پر جرمن دفترِ خارجہ نے جوابی وار کرتے ہوئے کہا کہ اس عمل کو جان بچانا کہتے ہیں، تاہم ایلون مسک نے کہا کہ کیا جرمنی کو اس پر فخر ہے؟
سوال کے ساتھ ساتھ ایلون مسک نے کہا کہ میرے خیال میں جرمن عوام کی اکثریت اس عمل کی حامی نہیں ہوگی کیونکہ یہ عمل اٹلی کی سالمیت اور خودمختاری کے خلاف ہوگا کہ جرمنی وہاں تارکینِ وطن کو پہنچائے۔
واضح رہے کہ اٹلی کی حکومت این جی اوز کی جانب سے بحیرۂ روم سے تارکینِ وطن کو اپنے ملک میں پہنچانا اپنے داخلی معاملات میں مداخلت سمجھتی ہے۔ تاہم جرمنی پارلیمان سے منظور شدہ منصوبے کے تحت این جی اوز کی مدد کرتا ہے۔
