گوگل نیوز پر ہمیں فالو کریںپاکستان تحریکِ انصاف کے سینیٹر فیصل جاوید نے کہا ہے کہ وزیر اعظم پاکستان عمران خان کی قیادت میں گزشتہ برس پاکستان کی معیشت کو استحکام حاصل ہوا۔
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ سن 2019ء میں پاکستان کی معیشت مستحکم ہوئی جس کا پوری دنیا نے اعتراف کیا۔
سینیٹر فیصل جاوید نے کہا کہ سن 2020ء میں معیشت کے استحکام کے ثمرات عوام تک پہنچائے جائیں گے جبکہ وزیر اعظم نے وزراء کو ہدایات جاری کی ہیں کہ عوام کے لیے اقدامات کریں۔
فیصل جاوید نے کہا کہ وزیر اعظم نے تمام وزراء کو ہدایات دی ہیں کہ اپنی توجہ مکمل طور پر عام آدمی کی زندگی بہتر بنانے پر مرکوز کریں۔ انہوں نے 2020ء کو عوامی سال قرار دیا۔
#2020عوام_کا_سال
سن 2019 میں عمران خان کی قیادت میں پاکستان کی معشیت کواستحکام ملا جسکی متعارف پوری دنیا ہے-سن2020 میں اسکےثمرات عوام تک پہنچائےجائینگےوزیراعظم نےتمام وزراء کو ہدایات جاری کی ہیںکہ اپنا تمام تر فوکس عام آدمی کی زندگی کو بہتر کرنے پر لگائیں سن 2020 ہے عوام کا سال— Faisal Javed Khan (@FaisalJavedKhan) January 1, 2020
یاد رہے کہ اس سے قبل پی ٹی آئی کے سینیٹر فیصل جاوید نے کہا کہ وزیر اعظم عمران خان کبھی عوام کو مایوس نہیں کریں گے، جو انہوں نے وعدہ کیا ہے وہ پورا کریں گے۔
انہوں نے17 نومبر کو ٹوئٹر پیغام میں کہا کہ کسی کو کوئی این آر او نہیں مل رہا۔گزشتہ ادوار میں ڈیلیں راتوں رات ہو جاتی تھیں، اس معاملے میں دیکھیں کہ چیزوں کو شفاف رکھا گیا ہے۔
ان کا کہنا تھا کہ عمران خان کبھی آپ کو مایوس نہیں کریں گے، جو انہوں نے وعدہ کیا ہے وہ پورا کریں گے، کسی کو کوئی این آر او نہیں مل رہا، جو پوری زندگی عمران خان نے کہا وہ بالآخر کر کے دکھایا۔
مزید پڑھیں: وزیر اعظم نے جو وعدہ کیا پورا کریں گے۔ فیصل جاوید
