گوگل نیوز پر ہمیں فالو کریںصوبہ پنجاب کے شہر ساہیوال میں ذخیرہ اندوزوں کے خلاف آپریشن کیا گیا جس کے دوران گندم کی درجنوں بوریاں برآمد کر لی گئیں جبکہ یہ آپریشن کورونا ریلیف ٹائیگر فورس کی اطلاع پر کیا گیا۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان کی کورونا ریلیف ٹائیگر فورس نے کہا کہ اسسٹنٹ کمشنر ساہیوال نے ٹائیگر فورس کے جوانوں کی اطلاع پر کارروائی کی۔
ٹوئٹر پیغام میں کہا گیا کہ یہ کارروائی ساہیوال کے علاقے قادر آباد میں کی گئی جہاں ایک گودام پر چھاپہ مارا گیا اور ذخیرہ اندوزوں سے ذخیرہ کی گئی گندم کی بوریاں برآمد کر لی گئیں۔
اسسٹنٹ کمشنر ساہیوال نے ٹائیگر فورس کے جوانوں کی اطلاع پر قادر آباد ایریا میں چھاپہ مارا اور ذخیرہ اندزوں سے ذخیرہ کی گئی گندم کی بوریاں برآمد کیں#PMTigersForce pic.twitter.com/wS0pZCrKsD
— Insafian (@InsafianPtiPK) May 28, 2020
یاد رہے کہ اس سے قبل ذخیرہ اندوزوں اور مصنوئی مہنگائی پیدا کرنے والے عناصر کے خلاف محکمۂ خوراک پنجاب کی کارروائیاں جاری رہیں جبکہ گوجرانوالہ میں حکام نے گندم کی 3 ہزار 500 بوریاں برآمد کر لیں۔
محکمۂ خوراک پنجاب نے رواں ماہ اپنے ایک پیغام میں بتایا کہ ضلع گوجرانوالہ کے علاقے قلعہ دیدار سنگھ میں ناجائز منافع خوروں کے خلاف مؤثر کارروائی کی گئی۔
مزید پڑھیں: محکمۂ خوراک نے گندم کی3ہزار 500 بوریاں برآمدکرلیں
