سجل علی اور احد رضامیر کے درمیان طلاق، انتہائی قدم اٹھا لیا گیا

پاکستانی شوبز انڈسٹری کی مقبول و معروف جوڑی کے حوالے سے گزشتہ کئی مہینوں سے علیحدگی سے متعلق خبریں گردش کررہی ہیں، روزانہ کی بنیاد پر سجل علی اور احد رضا میر کی طلاق سے متعلق نئی نئی خبریں سامنے آرہی ہیں۔

حال ہی میں شوبز انڈسٹری کی مقبول جوڑی نے فوٹو اینڈویڈیو شیئرنگ ایپ انسٹاگرام سے ایک دوسرے کو اَن فالو کردیا ہے۔

خیال رہے کہ علیحدگی کے باوجود بھی سجل علی اور احد رضا ایک دوسرے کو انسٹاگرام پر فالو کررہے تھے تاہم، حال ہی میں دونوں ستاروں نے ایک دوسرے کو انسٹاگرام پر اُن فالو کردیا ہے۔

اداکار احد رضامیر نے صرف سجل علی کو انسٹاگرام سے اَن فالو ہی نہیں کیا بلکہ اُن کے ہمراہ اپنی تصاویر کو بھی سوشل میڈیا اکاؤنٹ سے ڈیلیٹ کردیا ، اب اُن کے اکاؤنٹ پر سجل علی کے ہمراہ صرف وہی ویڈیوز موجود ہیں جن کا تعلق اُن کے پروجیکٹ سے تھا۔

یہ بھی پڑھیں:

اداکارہ عرفی جاوید کے بلیڈ سے بنے ہوئے منفرد لباس کے سوشل میڈیا پر چرچے

تاہم، سجل علی نے ابھی تک احد رضامیر اور اُن کی والدہ کے ہمراہ کسی بھی تصویر کو اپنے انسٹاگرام سے ڈیلیٹ نہیں کیا ہے البتہ انہوں نے اداکار اور اُن کی پوری فیملی کو انسٹاگرام سے اَن فالو کردیا ہے۔

واضح رہے کہ کچھ عرصے قبل سوشل میڈیا پر پاکستان کے سینیئر اداکار وعلم نجوم کے ماہر راجا حیدر کی پرانی ویڈیو وائرل ہوئی تھی جس میں انہوں نے اداکارہ سجل علی اور احد رضا میر کی طلاق کی پیش گوئی کری تھی۔

اس ویڈیو میں انہوں نے کہا تھا کہ ایک دبلی پتلی سی خوبصورت لڑکی جن کا شمار پاکستان کی  ٹاپ پانچ اداکاراؤں میں ہوتا ہے، جن کی کوئی اولاد بھی نہیں ہے اور اُن کی طلاق 7 جون 2022 سے قبل باقاعدہ طورپر ہو جائے گی۔

خیال رہے کہ انہوں نے کہا تھا کہ اگر یہ طلاق نہیں ہوئی تو یہ شادی 2024ء میں بہت بڑی بدنامی اور کورٹ کچہریوں میں معاملات کے ساتھ ختم ہوگی۔

راجا حیدر کی اس ویڈیو کے بعد انڈسٹری سے تعلق رکھنے والے بیشتر لوگوں نے دونوں کی طلاق کی تصدیق کی تھی۔ تاہم ان خبروں پر تاحال سجل علی اور احد رضا میر کی جانب سے کوئی تسلی بخش تردید یا تصدیق نہیں کی گئی ہے۔