گوگل نیوز پر ہمیں فالو کریںامریکا میں ڈیموکریٹک پارٹی کی سینیٹراور صدارتی امیدوار الزبتھ وارین نے مقبوضہ کشمیر میں پابندیوں اور مواصلاتی معطل پر تشویش کا اظہار کردیا۔
سماجی رابطے کی ویب سائٹ ٹوئٹرپر اپنے پیغام میں امریکی سینیٹر الزبتھ وارن کا کہنا تھا کہ مقبوضہ کشمیر میں مواصلاتی نظام کی مستقل بندش اور دیگر پابندیاں قابل تشویش ہیں، انہوں نے بھارت پر زور دیا کہ وہ کشمیری عوام کے حقوق کی پاسداری یقینی بنائے۔
الزبتھ ویرن کا مزید کہنا تھا کہ امریکا اور بھارت کے درمیان تعلقات کی بنیاد مشترکہ جمہوری اقدار پر ہے اور مجھے مقبوضہ کشمیر میں مواصلاتی نظام کی مسلسل معطلی اور دیگر پابندیوں پر شدید تشویش ہے۔
The US-India partnership has always been rooted in our shared democratic values. I’m concerned about recent events in Kashmir, including a continued communications blackout and other restrictions. The rights of the people of Kashmir must be respected.https://t.co/K7JDmAjQg7
— Elizabeth Warren (@ewarren) October 5, 2019
اس سے قبل گزشتہ روز بھارت نے مقبوضہ کشمیر کی موجودہ صورتحال کا جائزہ لینے کے لیے نئی دہلی جانے والے امریکی سینیٹر کو وادی کا دورہ کرنے سے روک دیا تھا۔
امریکی جریدے میں شائع رپورٹ کے مطابق امریکی سینیٹر کرس ہولین نے بتایا تھا کہ انہیں رواں ہفتے بھارت کے دورے کے دوران مقبوضہ کشمیر میں جانے کی اجازت نہیں دی گئی۔
یہ بھی پڑھیں: امریکی سینیٹ کمیٹی کا مقبوضہ کشمیرمیں مواصلات، انٹرنیٹ بحال کرنے کامطالبہ
اس سے قبل امریکی سینیٹ کمیٹی نے فنانس بل میں کی گئی ترمیم میں بھارت سے مقبوضہ کشمیر میں کرفیو کے خاتمے اور مواصلاتی روابط کی مکمل بحالی کا مطالبہ کرتے ہوئے مقبوضہ کشمیر میں موجودہ انسانی بحران پر بھی تشویش کا اظہارکیا تھا۔
