قومی سلامتی کمیٹی کا اجلاس‘ تعلیمی ادارے 5اپریل تک بند رکھنے کا فیصلہ

اسلام آباد‘ وفاقی وزیر تعلیم شفقت محمود نے کہا کہ تمام تعلیمی ادارے اور دیگر سرگرمیاں 5 اپریل 2020 تک معطل رہیں گی۔

وزیراعظم عمران خان کی زیرصدارت قومی سلامتی کمیٹی کا اہم اجلاس منعقد کیا گیا‘جس میں اہم فیصلے کئے گئے‘اجلاس میں تینوں مسلح افواج کے سربراہان اور ڈی جی آئی ایس آئی لیفٹیننٹ جنرل فیض حمید سمیت وفاقی وزرا وسیکریٹریز شریک ہوئے۔

Since many have asked, this decision of the National Security Committee is effective immediately. In other words ALL educational institutions would be closed from tomorrow https://t.co/i27AIrUqAp

— Shafqat Mahmood (@Shafqat_Mahmood) March 13, 2020

قومی سلامتی کے اجلاس میں کرونا وائرس کے خطرے سے متعلق صورتحال پر غور کیا گیا اور قومی سلامتی کمیٹی نے کرونا وائرس کی روک تھام سے متعلق اہم فیصلے کئے۔

جبکہ وفاقی وزیر تعلیم شفقت محمود نے اپنی ٹوئٹ کہا کہ قومی سلامتی کمیٹی کے اجلاس میں فیصلہ ہوا ہیکہ ملک بھر میں 5 اپریل تک تمام سرکاری ونجی تعلیمی ادارے بند رکھے جائیں گے جس میں تمام مدارس بھی شامل ہیں جب کہ 27 مارچ کو تعلیم اداروں کی بندش کے فیصلے پر نظرثانی بھی کی جائے گی اور جو بھی فیصلہ ہوگا اس سے عوام کو آگاہ کیا جائے گا۔