گوگل نیوز پر ہمیں فالو کریںکراچی: اسٹیٹ بینک آف پاکستان سمیت 5 بڑے بینکس نے ڈیری فارمرز کو خوشخبری سناتے ہوئے آسان شرائط پر قرض دینے کا اعلان کیا ہے۔
تفصیلات کے مطابق گزشتہ روز مرکزی بینک نے کراچی کے علاقے بھینس کالونی میں ایک بینک کے تعاون سے ڈیری اور کیٹل فارمنگ پر آگہی سیشن کے دوران آسان شرائط پر قرض دینے کا اعلان کیا۔
ترکیہ سے درمیان تجارت و سرمایہ کاری کیلئے اچھی گفتگو ہوئی۔وزیراعظم
آگہی سیشن کے دوران رضوان خلیل شمسی، پارٹنر بینکس کے نمائندگان اور محکمۂ لائیو اسٹاک حکام بھی موجود تھے۔ ڈیری فارمرز کی قیادت صدر ڈیری اینڈ کیٹل فارمرز ایسوسی ایشن پاکستان نے کی۔
صدر ڈیری اینڈ کیٹل فارمرز ایسوسی ایشن پاکستان شاکر عمر گجر نے ڈیری فارمرز کے مسائل پر روشنی ڈالی۔ اسٹیٹ بینک نے ڈیری فارمرز کو شعبے کی ترقی کیلئے اپنے اقدامات اور قرض اسکیمز پر بریفنگ دی۔
مرکزی بینک نے ڈیری فارمرز کو آگاہ کیا کہ اسٹیٹ بینک سمیت 5 شراکت دار بینک ڈیری فارمرز کو آسان شرائط پر قرض فراہم کرنے کیلئے تیار ہیں جس پر ڈیری فارمرز ایسوسی ایشن نے مسرت کا اظہار کیا۔
خیال رہے کہ اس سے قبل ڈیری فارمنگ سے تعلق رکھنے والے ماہرین کا کہنا تھا کہ ڈیری فارمنگ کے شعبے کے 3 اہم مقاصد دودھ کا حصول، گوشت کی پیداوار اور بریڈنگ ہوتے ہیں۔ اس شعبے کی ترقی کیلئے بینکس اور حکومت کو آگے آنا ہوگا۔
