گوگل نیوز پر ہمیں فالو کریںپاکستانی شوبز انڈسٹری سے وابستہ اداکار حسن احمد نے کہا ہے اہلیہ سنیتا مارشل نے میرے بارے میں جو کچھ کہا وہ انھیں نہیں کہنا چاہیئے تھا، ایسی باتیں میاں بیوی کے درمیان ہی رہنی چاہئیں۔
گزشتہ دنوں ایک انٹرویو میں سنیتا مارشل نے کہا تھا کہ جب اُن کی شادی حسن احمد سے ہوئی تھی اس وقت وہ اداکاری میں اپنا کیریئر بنارہے تھے جبکہ میری انڈسٹری میں ایک اچھی پہچان تھی۔
انہوں نے کہا کہ حسن احمد نے سارے پراجیکٹ خود اپنی محنت سے حاصل کیے تھے اس کیلئے میں نے اُن کی کبھی مدد نہیں کی۔
حال ہی میں حسن احمد نے انسٹاگرام پر ایک ویڈیو میں سنیتا مارشل کی اُن کے کیریئر کے حوالے سے کی گئی باتوں کے حوالے سے ردعمل کا اظہار کیا ہے۔
View this post on Instagram
انہوں نے کہا کہ سنیتا کی کہی ہوئی کافی باتیں درست نہیں ہیں اور اگر درست بھی ہیں تو وہ باتیں میاں بیوی کے درمیان ہی رہنی چاہئیے، ہر چیز پبلک نہیں کرنی چاہئیے۔
قومی ترانے کا ریمکس سن کر بہت مایوسی ہوئی، عدنان صدیقی
حسن احمد نے مزید کہا کہ باقی اپنے کیریئر میں آنیوالے نشیب و فراز کے حوالے سے بات کرنے کا حق صرف مجھے ہے، کسی اور کو یہ حق حاصل نہیں ہے، یہ فیصلہ بھی میں کروں گا کہ مجھے اس حوالے سے بات کرنی ہے یا نہیں۔
ویڈیو پیغام میں اُن کا کہنا تھا کہ سنیتا مارشل کے انٹرویو کو دیکھ کر محسوس ہورہا ہے کہ مجھ پر ترس کھایا جارہا ہے، جو مجھے بالکل پسند نہیں آیا، کیونکہ میں ایک مضبوط انسان ہوں۔ اس لئے مجھے یہ چیز بالکل صحیح نہیں لگی جس کی وضاحت کرنا ضروری تھا۔
