سی ٹی ڈی کی کراچی میں کارروائی، ٹارگٹ کلر سمیت 4 ملزمان گرفتار

کراچی: سی ٹی ڈی کی کراچی میں کارروائی، ٹارگٹ کلر سمیت 4 ملزمان گرفتار کر لیے گئے۔ چاروں ملزمان سنگین نوعیت کے جرائم میں ملوث ہیں۔

سی ٹی ڈی حکام کے مطابق ملزمان میں فرحان علی، محمد مظہر، محمد عاطف اور فرخ شہزاد شامل ہیں، ملزم فرحان علی کا تعلق ایم کیو ایم لندن سے ہے، ملزم نے 5 افراد کے قتل کا اعتراف کرلیا ہے۔ملزم فرحان نے مخالفین کو فائرنگ کرکے ہلاک کیا تھا۔

سی ٹی ڈی حکام نے بتایا کہ ملزم محمد مظہر 99 یونٹ انچارج تھا اور یونٹ کی سطح پر اسلحہ کی ترسیل کیا کرتا تھا، ملزم عاطف اور فرخ بھتہ وصولی کیا کرتے تھے۔

بھتے کے لیے ملزمان معزز شہریوں کو بھتے کی پرچیاں دے کر خوفزدہ کرتے اور اسلحہ کی نمائش سے ڈرا دھمکا کر بھتہ وصول کرتے تھے۔

سی ٹی ڈی حکام کا کہنا ہے کہ گرفتار ملزمان سے تفتیش کا آغاز کردیا ہے،جس کے بعدمزید گرفتاریوں کے ساتھ ساتھ ان کے سہولت کاروں کے خلاف بھی کارروئی کی جائے گی۔