کرکٹر رضوان کا قرآن سے والہانہ لگاؤ، دوران سفر تلاوت کی ویڈیو وائرل

سوشل میڈیا پر پاکستانی کرکٹ ٹیم کے مایہ ناز بیٹسمین محمد رضوان کی ایسی مختلف ویڈیوز  وائرل ہوتی رہی ہیں جن میں محمد رضوان کا دین سے قریبی لگاؤ  واضح ہوتا ہے اور ایک بار  پھر رضوان کی قرآن پڑھنے کی ویڈیو نے شائقین کے دلوں کو گرما دیا ہے۔

ویڈیو پاکستان کرکٹ بورڈ کی جانب سے شیئر کی گئی ہے جو قومی ٹیم کے ایشا کپ 2022 کے لیے دبئی پہنچنے کی ہے۔

🛫 Amsterdam to Dubai 🛬

The travel diary of the Pakistan team 🧳#AsiaCup2022 | #BackTheBoysInGreen pic.twitter.com/GfrFKYhdbM

— Pakistan Cricket (@TheRealPCB) August 23, 2022

ویڈیو میں قومی اسکواڈ میں شامل تمام کھلاڑیوں کو بس میں مختلف سرگرمیاں کرتے دیکھا جاسکتا ہے تاہم رضوان کو اس ویڈیو میں بس میں بھی قرآن پاک پڑھتے دیکھا گیا۔

رضوان کی ویڈیو سے لیا گیا اسکرین شاٹ سوشل میڈیا پر وائرل ہے جس میں صارفین انھیں خوب سراہ رہے ہیں۔

یاد رہے کہ  پاکستان کرکٹ ٹیم نیدرلینڈز کے خلاف ون ڈے سیریز میں کامیابی حاصل کرنے کے بعد گزشتہ روز  ایشیا کپ میں شرکت کے لیے ایمسٹرڈیم سے دبئی پہنچی تھی۔