گوگل نیوز پر ہمیں فالو کریںجنیوا: دُنیا بھر میں کورونا وائرس سے 5 کروڑ95 لاکھ افراد متاثر ہوئے ہیں جبکہ 14 لاکھ 2 ہزار سے زائد ہلاک ہو گئے۔
دُنیا کے 190 سے زائد ممالک میں کورونا وائرس سے مجموعی طور پر 5 کروڑ 95 لاکھ 14 ہزار 808 افراد متاثر ہوئے جن میں سے 3 فیصد یعنی 14 لاکھ 2 ہزار 28 افراد انتقال کر گئے۔
مہلک کورونا وائرس سے متاثرہ 1 لاکھ 3 ہزار 621 فراد کی حالت تشویشناک ہے جبکہ دنیا بھر میں کورونا وائرس کے فعال کیسز کی تعداد 1 کروڑ 69 لاکھ 57 ہزار218 ہے۔
کورونا وائرس سے متاثرہ افراد میں سے 4 کروڑ11 لاکھ 55 ہزار562 افراد صحت یاب ہوچکے ہیں جبکہ 1 کروڑ 68 لاکھ 53 ہزار597 افراد کی حالت خطرے سے باہر ہے۔
چین سے جنم لینے والا کورونا وائرس ایشیائی ممالک ایران، افغانستان، بھارت اور پاکستان کے ساتھ ساتھ ہمسایہ ممالک ایران، افغانستان، بھارت ، بنگلہ دیش اور دیگر ممالک میں پھیل گیا ہے۔
وائرس سے سب سے زیادہ امریکا، بھارت، برازیل، فرانس اور روس متاثر ہوئے جبکہ متاثرہ ممالک کی فہرست میں اسپین چھٹے، برطانیہ 7ویں، اٹلی 8ویں، ارجنٹینا 9ویں جبکہ کولمبیا 10ویں نمبر پر موجود ہے۔
یاد رہے کہ اِس سے قبل پاکستان میں کورونا وائرس سے 7 ہزار 744 شہری جاں بحق ہوئے جبکہ گزشتہ 24 گھنٹوں میں تصدیق شدہ کیسز کی تعداد 4 ماہ کی بلند ترین سطح پر پہنچ گئی۔
سرکاری اعدادوشمار کے مطابق کورونا وائرس سے مجموعی طور پر 3 لاکھ 79 ہزار 883 افراد متاثر ہوئے جن میں سے گزشتہ 24 گھنٹوں میں 2 ہزار 954 کیسز کی تصدیق ہوئی۔ 1 روز میں مزید 48 شہری انتقال کر گئے۔
مزید پڑھیں: پاکستان میں کوروناکیسز 4 ماہ کی بلند ترین سطح پر پہنچ گئے
