پاکستان میں کورونا کے 170نئے کیسز رپورٹ، 291مریضوں کی حالت تشویشناک

اسلام آباد: ملک بھر میں کورونا کے 170نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کے باعث کوئی ہلاکت رپورٹ نہیں ہوئی۔ کورونا کے 291مریضوں کی حالت تشویشناک ہے۔ 

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 26ہزار 93افراد کورونا سے متاثر جبکہ وائرس میں مبتلا 30 ہزار 361افراد جان کی بازی ہار گئے۔ شرحِ اموات 2فیصد پر برقرار ہے۔ 

یہ بھی پڑھیں:

پاک آسٹریلیا سیریز خدشات کا شکار، مہمان کھلاڑی کا کورونا مثبت آگیا

گزشتہ 24 گھنٹوں میں ملک بھر میں کورونا کے 28ہزار967 ٹیسٹ کیے گئے جبکہ مثبت کیسز کا تناسب 0.58 فیصد رہا۔ اب تک کیے گئے ٹیسٹس کی تعداد 2کروڑ 76لاکھ 62ہزار 867ہو گئی جبکہ کورونا کے 291مریض انتہائی نگہداشت میں ہیں۔

COVID-19 Statistics 7 Apr 2022
Total Tests in Last 24 Hours: 28,967
Positive Cases: 170
Positivity %: 0.58%
Deaths: 00
Patients on Critical Care: 291

— NIH Pakistan (@NIH_Pakistan) April 7, 2022

ملک بھر میں گزشتہ 24گھنٹوں کے دوران کورونا کے 70مریضوں نے وائرس کو شکست دے دی جس سے صحت یاب ہونے والوں کی کل تعداد 14 لاکھ 86 ہزار 534 ہو گئی۔کورونا کے فعال کیسز 9 ہزار 198ہو گئے ہیں۔

سندھ میں 5 لاکھ 76 ہزار 37، پنجاب میں 5 لاکھ 5 ہزار 267، خیبرپختونخوا  2 لاکھ 19ہزار 201، اسلام آباد 1 لاکھ 35ہزار 110، بلوچستان 35ہزار 479، آزاد کشمیر 43 ہزار 283جبکہ گلگت بلتستان میں 11 ہزار 716کورونا کیسز رپورٹ ہوئے۔

پنجاب میں 13ہزار558 افراد کورونا کے باعث انتقال کر گئے۔ سندھ میں 8 ہزار 97، خیبرپختونخوا میں 6 ہزار 322، اسلام آباد میں 1ہزار23، آزاد کشمیر میں 792، بلوچستان میں 378 جبکہ گلگت بلتستان میں 191شہری جاں بحق ہوئے۔