پاکستان میں کورونا کے 113 نئے کیسز رپورٹ، 1 مزید شہری جاں بحق

اسلام آباد: ملک بھر میں کورونا کے 113نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کے باعث ایک شہری کے جاں بحق ہونے کی تصدیق ہوئی ہے۔ 

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 32 ہزار 266افراد کورونا سے متاثر جبکہ 30 ہزار 384 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

یہ بھی پڑھیں:

کورونا مثبت، جرمن وزیر خارجہ نے دورہ پاکستان مختصر کر دیا

پاکستان میں بھی منکی پاکس کا خطرہ، ہائی الرٹ جاری

گزشتہ 1 روز میں کورونا کی تشخیص کیلئے 9ہزار 406ٹیسٹ کیے گئے جبکہ مثبت کیسز کا تناسب 1.20 فیصد رہا۔ ٹیسٹس کی مجموعی تعداد 2 کروڑ 88 لاکھ 61 ہزار 676 ہو گئی جبکہ کورونا کے 58مریض انتہائی نگہداشت میں ہیں۔

COVID-19 Statistics 21 June 2022
Total Tests in Last 24 Hours: 9,406
Positive Cases: 113
Positivity %: 1.20%
Deaths: 01
Patients on Critical Care: 58

— NIH Pakistan (@NIH_Pakistan) June 21, 2022

ملک بھرمیں گزشتہ 24 گھنٹوں کے دوران کورونا کے 85 مریضوں نے وائرس کو شکست دے دی جس سے صحتیاب ہونے والوں کی مجموعی تعداد 14لاکھ 98 ہزار 486 جبکہ فعال کیسز 3 ہزار 396 ہوگئے۔  کورونا سے سب سے زیادہ صوبہ سندھ متاثر ہوا۔

کورونا کے 5 لاکھ 78 ہزار 339 کیسز سندھ میں رپورٹ ہوئے۔ پنجاب میں 5 لاکھ 7 ہزار 719، خیبر پختونخوا میں 2لاکھ 19 ہزار 798جبکہ وفاقی دارالحکومت اسلام آباد میں 1 لاکھ 35 ہزار 783 افراد کا کورونا ٹیسٹ کا نتیجہ مثبت نکلا۔

گلگت بلتستان میں 11 ہزار 753، بلوچستان میں 35 ہزار 512 جبکہ آزاد جموں و کشمیر میں 43 ہزار 362افراد کورونا کا شکار ہوئے جبکہ سب سے زیادہ اموات پنجاب میں رپورٹ ہوئیں جہاں وائرس کے 13ہزار 566مریض جان کی بازی ہار گئے۔ 

پنجاب کے بعد سب سے زیادہ 8 ہزار 108 افراد سندھ میں کورونا میں مبتلا ہوکر جاں بحق ہو گئے۔ کے پی کے میں 6 ہزار 324، اسلام آباد میں 1 ہزار 25، گلگت بلتستان میں 191، بلوچستان میں 378جبکہ آزاد کشمیرمیں 792 افراد جان کی بازی ہار گئے۔