گوگل نیوز پر ہمیں فالو کریںاسلام آباد: پاکستان میں کورونا وائرس سے 2 لاکھ 74ہزار289 افراد متاثر ہوئے جبکہ وائرس کے باعث جاں بحق ہونے والوں کی تعداد 5ہزار 842 ہو گئی ہے۔
سرکاری اعدادوشمار کے مطابق گزشتہ 24 گھنٹوں کے دوران وائرس کے 1ہزار 176نئے کیسز کی تصدیق ہوئی جبکہ وائرس کے باعث 20مزید پاکستانی شہری زندگی کی بازی ہار گئے۔
کورونا وائرس کی تشخیص کیلئے اب تک18 لاکھ90ہزار 236ٹیسٹ کیے گئے جبکہ گزشتہ 24 گھنٹوں کے دوران کیے جانے والے ٹیسٹس کی تعداد22 ہزار 56 ہے۔
ہر گزرتے روز کے ساتھ پاکستان بھر میں کورونا وائرس سے متاثرہ نئے کیسز کی تصدیق ہو رہی ہے جبکہ وائرس کے باعث ہونے والی ہلاکتوں میں بھی اضافہ ہورہا ہے۔ملک بھر میں 1 ہزار 229افراد کی حالت تشویشناک ہے۔
سندھ میں کورونا وائرس کے1 لاکھ18ہزار311، پنجاب میں 92ہزار 73، خیبرپختونخوا میں 33ہزار397، بلوچستان میں 11ہزار 601، آزاد کشمیر میں 2 ہزار 34، گلگت بلتستان میں1 ہزار 989جبکہ اسلام آباد میں 14 ہزار 884کیسز کی تصدیق ہوئی۔
وائرس کے باعث سب سے زیادہ اموات سندھ اور پنجاب میں ہوئیں۔ سندھ میں 2 ہزار 151افراد کورونا وائرس کے باعث زندگی کی بازی ہار گئے جبکہ پنجاب میں 2 ہزار 116افراد جاں بحق ہوئے۔
خیبر پختونخوا میں کورونا وائرس کے باعث1 ہزار178،آزاد کشمیر میں 49، گلگت بلتستان میں 48، اسلام آباد میں164جبکہ بلوچستان میں 136افراد جاں بحق ہوئے۔
یاد رہے کہ اِس سے قبل معاونِ خصوصی برائے امورِ صحت ڈاکٹر ظفر مرزا نے کہا کہ ملک بھر میں کورونا وائرس سے شرحِ اموات میں 87 فیصد کمی ہوئی۔
ٹوئٹر پر اپنے پیغام میں ڈاکٹر ظفر مرزا نے کہا کہ آج پاکستان میں کورونا وائرس سے ہونے والی اموات سب سے کم ہیں جبکہ شرحِ اموات گزشتہ 3 ماہ کے اعدادوشمار کی بنیاد پر اخذ کی گئی۔
مزید پڑھیں: ملک بھر میں کورونا سے اموات میں 87 فیصد کمی ریکارڈکی گئی
