گوگل نیوز پر ہمیں فالو کریںپشاور:صوبہ خیبر پختونخواہ میں کورونا وائرس سے متاثرہ افراد کی تعداد 560 ہو گئی ہے جبکہ صوبے میں وائرس کے باعث 20 افراد جاں بحق ہوئے۔
سماجی رابطے کی ویب سائٹ ٹوئٹر پر خیبر پختونخواہ کے وزیرِ خزانہ و صحت تیمور خان جھگڑا نے اپنے پیغام میں کہا کہ خیبر پختونخواہ میں گزشتہ 24 گھنٹوں کے دوران نئے کیسز سامنے آئے ہیں جس سے مجموعی کیسز کی تعداد 560 ہو گئی ہے۔
صوبائی وزیر تیمور خان جھگڑا کے مطابق کورونا وائرس سے صوبے بھر میں 20 اموات ہوئیں جبکہ کورونا سے متاثرہ 122 افراد اب تک صحت یاب ہوچکے ہیں۔
Pakhtunkhwa #coronavirus update, end of day April 8.
560 total cases
122 recoveries
20 deaths pic.twitter.com/WQFRkVLkiI— Taimur Saleem Khan Jhagra (@Jhagra) April 9, 2020
یاد رہے کہ اس سے قبل صوبائی حکومت نے ملک بھر میں ڈاکٹرز اور طبی عملے سے کورونا وائرس کے خلاف جنگ میں کردار ادا کرنے کی درخواست کرتے ہوئے کہا ہے کہ خیبر پختونخواہ کو آپ کی ضرورت ہے۔
ٹوئٹر پر گزشتہ روز صوبائی وزیرِ صحت و خزانہ تیمور خان جھگڑا نے کہا کہ ہمیں ملک بھر سے اسپیشلسٹس، جنرل کیڈر، نرسز، ماہرینِ نفسیات، ماہرینِ ادویات، پیرا میڈیکس، ڈاکٹرز اور ٹیکنیشنز کی ضرورت ہے۔
مزید پڑھیں: خیبر پختونخواہ کو آپ کی ضرورت ہے۔ڈاکٹرز سے درخواست
