گوگل نیوز پر ہمیں فالو کریںکراچی: کور کمانڈر کراچی لیفٹیننٹ جنرل ہمایوں عزیز نے گورنر سندھ عمران اسماعیل سے الوداعی ملاقات کی ہے جس کے دوران باہمی دلچسپی کے امور پر تبادلۂ خیال کیا گیا۔
تفصیلات کے مطابق کور کمانڈر کراچی لیفٹیننٹ جنرل ہمایوں عزیز نے آج گورنر سندھ عمران اسماعیل سے ملاقات کی۔ ملاقات کے دوران گورنر سندھ عمران اسماعیل کا کہنا تھا کہ سبکدوش ہونے والے کور کمانڈر کراچی قوم کے سچے سپاہی ہیں۔
سماجی رابطے کی ویب سائٹ ٹوئٹر پر اپنے پیغام میں گورنر سندھ عمران اسماعیل نے کہا کہ کور کمانڈر کراچی ایک دیانتدار اور فرض شناس آفیسر رہے، الوداعی ملاقات کے دوران گورنر سندھ نے لیفٹیننٹ جنرل ہمایوں عزیز کیلئے نیک خواہشات کا اظہار کیا۔
Farewell call on by Lt.Gen Humayon Aziz – Outgoing Commander 5 Corps. During his tenure I found him an upright person and a true soldier. I wish him Goodluck in his new endeavours. pic.twitter.com/1r02jFUiGx
— Imran Ismail (@ImranIsmailPTI) December 12, 2020
قبل ازیں لیفٹیننٹ جنرل ہمایوں عزیز اگست 2018ء کے دوران کور کمانڈر کراچی تعینات ہوئے تھے۔ پاک فوج کے شعبۂ تعلقاتِ عامہ (آئی ایس پی آر) نے لیفٹیننٹ جنرل ہمایوں عزیز کو کور کمانڈر کراچی مقرر کرنے سے متعلق اعلامیہ 2 سال قبل جاری کیا۔
اعلامیے کے مطابق لیفٹیننٹ جنرل ہمایوں عزیز کو کور کمانڈر کراچی تعینات کیا گیا جبکہ لیفٹیننٹ جنرل چیف آف جنرل اسٹاف مقرر ہوئے۔ اس سے قبل لیفٹیننٹ جنرل ہمایوں عزیز انسپکٹر جنرل کمیونیکیشنز اینڈ آئی ٹی کی حیثیت سے بھی خدمات سرانجام دے چکے ہیں۔
یہ بھی پڑھیں: آرمی چیف کی زیر صدارت 233 ویں کور کمانڈرز کانفرنس
