گوگل نیوز پر ہمیں فالو کریںکراچی: سندھ حکومت نے ڈبل سواری پر استثنیٰ ختم کردیئے، خواتین، بچے، بوڑھے اور صحافی بھی اب ڈبل سواری سے مستفید نہیں ہوسکتے۔
سندھ حکومت کی جانب سے جاری اعلامیہ میں کہا گیا ہے کہ عوام الناس کو کورونا وائرس سے بچاؤ اور محفوظ رکھنے کے لیے ہوم ڈیپارٹمنٹ حکومت سندھ کی جانب سے جاری کردہ حکم کے تحت موٹر سائیکل کی ڈبل سواری پر پابندی دفعہ 144 ضابطہ فوجداری کے تحت عائد کی گئی ہے ۔
حکومت سندھ کی جانب سے پچھلے تمام جاری کیے گئے استثنیٰ کو ختم کیا گیا ہے۔کسی بھی شہری کو موٹرسائیکل کی ڈبل سواری سے استثنیٰ حاصل نہیں ہوگا۔
اس ضمن میں ڈبل سواری کی خلاف ورزی کرنے کی صورت میں زیرِ دفعہ 188 تعزیراتِ پاکستان کے تحت کارروائی عمل میں لائی جائے گی۔
عوام الناس سے اس قانون کی پابندی کو ملحوظ خاطر رکھتے ہوئے پولیس و انتظامیہ سے مُکمل تعاون کی پر زور اپیل کی جاتی ہے۔
کراچی یونین آف جرنلسٹس نے ایڈیشنل آئی جی سندھ کی جانب سے صحافیوں پر بھی ڈبل سواری کی پابندی کا اطلاق کرنے کے فیصلے کی شدید الفاظ میں مذمت کی ہے اور یہ حکم نامی فوری طور واپس لینے کا مطالبہ کیا ہے۔
مزید پڑھیں: لاک ڈاؤن میں نرمی کہیں پچھتاوے کا سبب نہ بن جائے
