گوگل نیوز پر ہمیں فالو کریںراولپنڈی: سپہ سالار جنرل قمر جاوید باجوہ نے کہا ہے کہ کمانڈرز کو ہر سطح پر اعلیٰ ترین پیشہ وارانہ مہارت کے حصول پر توجہ دینا چاہیے،انہوں نے کہا کہ پاک فوج کے کمانڈرز نئے چیلنجز سے نمٹنے کیلئے عصر حاضر کی ضروریات سے باخبر رہیں۔
آئی ایس پی آر کے جاری کردہ بیان میں کہا گیا ہے کہ آرمی چیف جنرل قمر جاوید باجوہ نے ایبٹ آباد میں سالانہ کمانڈنگ آفیسرز کانفرنس میں بلوچ رجمنٹل سینٹر کا دورہ کیا۔ رجمنٹل سینٹر آمد پر کرنل کمانڈنٹ بلوچ رجمنٹ لیفٹیننٹ جنرل اظہر عباس نے آرمی چیف کا پرتپاک استقبال کیا۔
اس موقع پر انسپکٹر جنرل آرمز لیفٹیننٹ جنرل ماجد احسان اور کمانڈنٹ بلوچ رجمنٹل سنٹر بریگیڈئر عثمان ابن ریاض بھی موجود تھے۔آرمی چیف نے سینٹر میں یادگار شہدا پر پھول چڑھائے۔
آرمی چیف جنرل قمر جاوید باجوہ نے رجمنٹل سینٹر میں افسران سے خطاب کرتے ہوئے آپریشنز میں حصہ لینے اور پیشہ وارانہ مہارت دکھانے پر بلوچ رجمنٹ کی تعریف کی۔
مزید پڑھیں: افغانستان میں امن خطے کی ترقی کا ضامن ہے، آرمی چیف جنرل قمر جاوید باجوہ
