کراچی میں ڈاکوؤں نے وزیراعلیٰ سندھ کے پروٹوکول آفیسر کو بھی لوٹ لیا

کراچی: شہرِ قائد میں جوہرآباد تھانے کی حدود میں وزیراعلیٰ سندھ کے پروٹوکول آفیسر مسرور وارثی کو ڈاکوؤں نے لوٹ لیا۔

ڈکیتوں نے وزیراعلیٰ سندھ سید مراد علی شاہ کے پروٹوکول آفیسر کے ساتھ کینیڈا سے آئے مہمان کو بھی نہ بخشا اور وہ بھی اپنے قیمتی سامان سے محروم ہوگئے۔

واردات کے لیے 2 موٹرسائیکلوں پرسوار4 ڈاکوؤں نے گلی کے کونے پرلوٹ مارکی ساتھ ہی ہوٹل پربیٹھے افراد سے بھی ڈاکوؤں نے موبائل فون چھین لیا۔

بریکنگ
کراچی: دستگیر جوہر آباد تھانے کی حدود میں ہوٹل پر بیٹھے چار افراد کو لوٹ لیا گیا۔ لٹنے والوں میں وزیراعلی سندھ کا پروٹوکول افسر مسرور وارثی بھی شامل ! pic.twitter.com/GRycnEvGGz

— MM News TV (@mmnewsdottv) January 2, 2023

موقع واردات سے ڈاکو تقریباً 10سے12 افراد سے ان کے موبائل فون، نقدی اور قیمتی سامان چھین کر فرار ہونے میں کامیاب ہوگئے۔

یہ بھی پڑھیں:

الجزائر میں گیس ہیٹر نے پورا خاندان ابدی نیند سلا دیا

مسرور وارثی نے پولیس کو بتایا کہ واقعہ جوہرآباد تھانے کی حدود میں پیش آیا، جہاں واقعے کی رپورٹ درج کرادی گئی ہے۔ پولیس حکام کا کہنا ہے کہ ملزمان کی گرفتاری کیلئے اقدامات کا آغاز کردیا گیا ہے۔