گوگل نیوز پر ہمیں فالو کریںکراچی: وزیر اعلیٰ سندھ سیّد مراد علی شاہ آج شہرِ قائد کے علاقے بلدیہ پہنچ گئے جہاں انہوں نے بچوں کو پولیو کے قطرے پلا کر مہم کا آغاز کردیا۔
ترجمان وزیر اعلیٰ سندھ کے مطابق گزشتہ برس کراچی کے علاقے بلدیہ سے پولیو کے کیسز ظاہر ہوئے تھے جس کے خلاف آگہی پیدا کرنے کے لیے پولیو مہم کا آغاز بلدیہ سے کیا گیا۔
بلدیہ پہنچنے پر وزیر اعلیٰ سندھ مراد علی شاہ کا استقبال وزیرِ صحت، سیکریٹری صحت اور کمشنر کراچی نے کیا جس کے بعد وزیر اعلیٰ سندھ نے بچوں کو پولیو کے قطرے پلائے۔
وزیراعلیٰ سندھ نے پولیو کے قطرے پلانے کے ساتھ ساتھ بچوں کو تحائف بھی دئیے۔ ایک بچے کی ناک پر بڑا سا دانہ دیکھ کر وزیر اعلیٰ سندھ نے سیکریٹری سندھ کو بچے کے علاج کی ہدایت کی۔
* وزیراعلیٰ سندھ سید مراد علی شاہ نے بچوں کو پولیو کے قطرے پلا کر مہم کا آغاز کیا
* وزیراعلیٰ سندھ نے پولیو قطرے پینے والے بچوں کو تحائف بھی دیئے pic.twitter.com/mDZSdhWmBy
— Sindh Chief Minister House (@SindhCMHouse) February 10, 2020
یاد رہے کہ اس سے قبل صوبہ سندھ میں تیسرے پولیو وائرس کیس کی تصدیق ہوئی جس کے بعد ملک بھر میں پولیو کیسز کی تعداد 8 ہوگئی۔کشمور کی یو سی جمال میں 3سال کی بچی میں پولیو وائرس کی تصدیق ہوگئی۔
مزید پڑھیں:سندھ میں سال 2020 میں تیسرے پولیو کیس کی تصدیق
